सुर्खेतको वीरेन्द्रनगरमा रहेको सिद्धार्थ सहकारी संस्थाले कोभिडको अवधिमा पनि उल्लेख्य मुनाफा कमाउन सफल भएको छ।
सहकारीले आर्थिक वर्ष २०७७/७८ मा करिब तीन करोड रुपैयाँ मुनाफा कमाएको छ।
संस्थाका कोषाध्यक्ष धनबहादुर सलामीका अनुसार यो आर्थिक वर्ष कुल १३ करोड ७५ लाख १३ हजार ८३६ रुपैयाँ आम्दानी गरेको छ।
गत आर्थिक वर्ष संस्थाले १० करोड १७ लाख २१ हजार ९७८ रुपैयाँ आम्दानी गरेको थियो। संस्थाले अघिल्लो आर्थिक वर्षको भन्दा यो आर्थिक वर्ष ३५.१९ प्रतिशत मुनाफा कमाएको हो।
कोषाध्यक्ष सलामीका अनुसार यो वर्ष सहकारीले वासलाततर्फ १ अर्ब १३ करोड २२ लाख ९२ हजार ९११ रुपैयाँ कारोबार गरेको छ। यसमा पनि गत वर्षको तुलनामा यो वर्ष ४४.५१ प्रतिशत वृद्धि भएको छ।
यस्तै, शेयर पुँजीतर्फ यो वर्ष संस्थाले ५ करोड ९६ लाख २६ हजार रुपैयाँ कारोबार भएको छ। यो वर्षभन्दा १६.६९ प्रतिशत बढी हो।
यो वर्ष सहकारीको खुद नाफा रकम १ करोड १७ लाख ३६ हजार २४६ रुपैयाँ रहेको कोषाध्यक्ष सलामीले बताए।
संस्थाले आर्थिक वर्ष २०७७/७८ मा लोकसेवा आयोगको नायवसुब्बा स्तरको तयारी कक्षा सञ्चालन गरी ३६ जना सदस्यका छोराछोरीलाई सहभागी गराएको थियो।
यस्तै, ४० जना सदस्यहरूलाई अवलोकन भ्रमण, मृत्यु भएका शेयर सदस्यहरुका परिवारलाई राहत वितरण पनि गत आर्थिक वर्षमा गरिएको अध्यक्ष टोपबहादुर टंलामी मगरले जानकारी दिए।
