केन्द्रीय रक्तसञ्चार केन्द्रबाट ५ सय २५ रुपैयाँमा लगेको रगतलाई धापासीस्थित ग्रान्डी अस्पतालले पाँच घन्टापछि १४ सय ५० रुपैयाँमा विक्री गरेको छ ।
अस्पतालले अर्को दिनका लागि भन्दै २२ तैतको राती ९ बजे लगेको दुई पिन्ट ‘होलब्लड’ पाटन अस्पतालमा उपचार गराइरहेकी अंशु थापाको आफन्तलाई प्रतिपिन्ट १४ सय ५० रुपैयाँका दरले बिक्री गरेको हो ।
नयाँ पत्रिकाको खवर अनुसार २२ चैतको बेलुकी साधारण सुत्केरी भएकी धादिङकी अंशु थापाको चार घन्टापछि एकाएक रक्तस्राव भयो । अस्पतालले उनको आफन्तलाई तत्काल उनको ब्लड ग्रुप ए नेगेटिभको चार पिन्ट रगत ल्याउन भने । त्यसपछि अंशुका पति हामेबहादुर श्रेष्ठसहित आफन्त राति १२ बजेदेखि रगत खोजीमा लागे । ब्लड वैंक, प्रसुती गृह र अन्त कतै नपाएपछि उनीहरु रगत लिन ग्रान्डी पुगेका थिए ।
