अत्यधिक तस्करी हुने भनेर चिनिएका तराईका केहि जिल्लामा प्रहरी कर्मचारी तस्करीमा संलग्न भएको प्रमाणसहित गोप्य प्रतिवेदन प्रहरी कार्यालयमा पेश भएको छ ।
बरा, पर्सा, महोत्तरी, सर्लाही, धनुषा लगायत जिल्लामा सेवाग्राहीसँग घुस मागेको, हातमा पैसा लिँदै गरेको र तस्करसँग रकम मोलमोलाई गर्दै गरेको भिडियो र अडियो सहिततको प्रतिवेदन क्षेत्रीय प्रहरी कार्यालय हेटौंडाले पठाएको छ ।
यसरि घुस माग्ने प्रहरी माथि कारबाही सुरु गरिएको छ ।
निवेदन दर्ता गर्न आएका सर्वासाधरणसँग एक सय रुपैयाँदेखि गाँजा तस्करसँग पाँच लाख रुपैयाँँसम्म घुस लिएको भिडियो र अडियो प्रमाणका आधारमा कसैलाई थुनामा र कसैलाई निलम्बन गरेर कारबाही थालिएको आइजिपीको सचिवालय स्रोतले बतायो ।
अन्नपूर्ण पोष्टले लेखेको समाचार अनुसार भिडियो, अडियोमा एसपीदेखि सिपाहीसम्म पोलिएका छन् ।
प्रहरी प्रवक्ता एसएसपी गणेश केसीले अनुचित प्रलोभनमा पर्नेविरुद्व मध्यक्षेत्रीय प्रहरीले स्टिङ अप्रेसन गरेको बताए । उनले भने, ‘यसमा दुई दर्जनभन्दा बढी परेका छन् । पोलिएकाहरुबारे थप खोजबिन गरिँदैछ ।’
