फुजेल हत्याकाण्डबारे चितवन अदालतमा जारी मुद्दा सम्बन्धमा सरकार पछाडि हट्ने भएको छ।
चितवन अदालतमा दर्ता भएको मुद्दा फिर्ता गर्न नमिल्ने तर पर्याप्त प्रमाण नपुगेको भन्दै मुद्दा अघि नबढाउन सर्कुलर जारी गर्ने जानकारी सरकारले गराएको एमाओवादीका नेता अग्नि सापकोटाले बताए। तर, पक्राउ परेका एमाओवादी कार्यकर्तालाई नछाडेसम्म ससंदको अवरोध जारी राख्ने सापकोटाले बताए।
'सरकारले मुद्दा अघि नबढाउन सर्कुलर जारी गर्ने जानकारी गराए पनि एमाओवादीका पक्राउ परेका कार्यकर्ता नछुटेसम्म हामी संसदको अवरोध कायमै गर्छौँ,' सापकोटाले जानकारी दिए।
फुजेल हत्याकाण्डमाथि चितवन जिल्ला अदालतमा दायर गरेको मुद्दामा अहिले थुनछेकको बहस चलिरहेको छ।
अहिले तीन बजे संसदको बैठक बस्ने तोकिए पनि एमाओवादीले संसद अवरोध जारी राख्ने जानकारी गराएपछि गतिरोध अझै लम्बिने देखिएको छ।
