स्वामी कमलनयनाचार्य (मुक्तिनाथ बाबा)को ट्रष्टले पशुपतिनाथमा गरिरहेको महायज्ञलाई सहयोग गर्न सबै मन्त्रालय, सशस्त्र, जनपद प्रहरी, संवैधानिक निकायहरुलाई चिठी लेखेको छ। उक्त महायज्ञको कार्यसमितिमा प्रधानमन्त्रीसहित सुरक्षा र न्यायपालिकाका सबै प्रमुखलगायत ८५ जना रहेको उल्लेख चिठीमा छ।
अखण्ड ज्योतिबाबा स्वामी श्रीजी च्यारिटेबल ट्रष्टका महासचिव पूर्ण कडरियाले महायज्ञलाई सहयोगका लागि लेखेको पत्र ती निकाय प्रमुखहरुको टेबुल टेबुलामा पुगेको छ ।
‘यस महायज्ञमा यहाँको उपस्थिति सहित त्यस मन्त्रालय/आयोग अन्तर्गत सम्पूर्ण निकायको व्यापक सहयोग र सहभागिताका लागि सहयोग गर्नुहुन हार्दिक अनुरोध गर्दछु,’ कडरियाले पठाएको पत्रमा उल्लेख छ।
कडरिया पूर्व भौतिक योजना तथा निर्माण सचिव हुन् ।
मुलुकका गण्यमान्यहरु सल्लाहकार, उपाध्यक्ष, महासचिव र कार्यसम्पादन समितिका सदस्यमा रहेको व्यहोरासहितको चिठी आएपछि सरकारी निकायहरुमा हल्लीखल्ली मच्चिएको छ। कमलनयनाचार्य परमाध्यक्ष रहेको कार्यसमितिमा प्रधानमन्त्री, प्रधानन्यायाधीश र पूर्वप्रधानमन्त्रीहरु सल्लाहकार छन्। अन्य उपप्रधानमन्त्री, अख्तियार प्रमुख आयुक्त, निर्वाचन प्रमुख आयुक्तलगायत उपाध्यक्ष छन्।
वैशाख १ गते देखि ९ गते सम्म सञ्चालन हुने श्रीनेपालमाता महिमा राष्ट्रिय महायज्ञबाट आएको पैसाले काठमाडौँको सुन्टोलमा नेपालमाताको विशाल मन्दिर बनाउने पत्रमा उल्लेख छ।
महायज्ञको सञ्चालनमा प्रधानमन्त्री सुशील कोइराला, एमाओवादी अध्यक्ष पुष्पकमल दहाल, एमाले अध्यक्ष झलनाथ खनाल, अख्तियार दुरुपयोग आयोग प्रमुख लोकमान सिंह कार्की, प्रधानन्यायाधीश, दामोदर प्रसाद शर्मा, प्रधानसेनापति गौरव शमसेर राणा आइजिपी उपेन्द्रकान्त अर्याल समेत संलग्न छन्।
ट्रष्टको पत्रले ‘अनुरोध’ गरेको भनेपनि महायज्ञमा ‘आर्थिक सहयोग’ गर्न दवाव महशुस भएको भन्दै उच्च अधिकारीहरुले चिन्ता व्यक्त गरेका छन् ।
केही सचिवहरुले यसबारे मुख्य सचिव लीलामणि पौडेललाई जानकारी समेत गराएको जानकारी स्रोतले दिएको छ ।
‘प्रधानमन्त्री, विपक्षी नेता, अख्तियार प्रमुखसम्म संलग्न महायज्ञलाई सहयोग गर्नैपर्ने बाध्यता सिर्जना भएको छ,’ एक सचिवले भने ।
यसअघि कर्मचारीको सरकारले तटबन्ध लगायत विभिन्न आयोजनाको नाममा ट्रष्टलाई करोडौँ रकम दिएको थियो।
हेर्नुहोस को को छन् उक्त महायज्ञको कार्यसमितिमा?
महायज्ञका वरिष्ठ सल्लाहकारहरुः
सुशील कोइराला– प्रधनमन्त्री
दामोदर प्रसाद शर्मा– प्रधानन्यायाधीश
पूर्वप्रधानमन्त्री– शेरबहादुर देउवा, पुष्पकमल दहाल, झलनाथ खनाल, माधवकुमार नेपाल, सुर्यबहादुर थापा, लोकेन्द्रबहादुर चन्द र खिलराज रेग्मी ।
महायज्ञका वरिष्ठ उपाध्यक्षहरु
वामदेव गौतम– उपप्रधानमन्त्री एवं गृह
लोकमानसिंह कार्की– प्रमुख आयुक्त, अख्तियार
निलकण्ठ उप्रेती– प्रमुख निर्वाचन आयुक्त
दीपकुमार उपाध्याय– कांग्रेस नेता
शंकर कोइराला– पूर्व अर्थ मन्त्री
महायज्ञका महासचिवहरुः
मुकुन्द शर्मा पौडेल – पूर्व कामु मुख्यसचिव
पूर्ण कडरिया – पूर्व भौतिक योजना सचिव
भगवती कुमार काफ्ले– पूर्व अख्तियार प्रमुख
रमेश उप्रेती– पशुपति विकास कोष
रामकृष्ण भुर्तेल
महायज्ञ कार्य सम्पादन समितिः
अजेयराज सुमार्गी– व्यापारी
गौरवशमशेर राणा– प्रधान सेनापति
कल्याण श्रेष्ठ– सर्वोच्च न्यायाधीश
आरजु देउवा– सभासद्
महेन्द्र शेरचन– सभासद्
विक्रम पाण्डे– सभासद्
विमल केडिया– व्यापारी
उपेन्द्र महतो– एनआरएन पूर्व अध्यक्ष
शेष घले– एनआरएन अध्यक्ष
वसन्त चौधरी–उद्योगपति
जीवा लामिछाने– एनआरएन पूर्वअध्यक्ष
किशोर थापा– सचिव, शहरी विकास
कृष्ण ज्ञावली– सचिव, उद्योग
सूर्य सिलवाल– सचिव, गृह
जनार्दन नेपाल– सचिव
उपेन्द्रकान्त अर्याल– आइजिपी
कोषराज वन्त– आइजिपी सशस्त्र
चुडामणि शर्मा– महानिर्देशक, वित्त शुद्धिकरण विभाग
खुमराज पुञ्जाली– महानिर्देशक, राजश्व अनुसन्धान विभाग
श्रीधर सापकोटा– अख्तियार सहसचिव
भरत सुवेदी– सहसचिव, अर्थ मन्त्रालय
काठमाडौँ महानगरपालिका
लालितपुर उपमहानगरपालिका
भक्तपुर नगरपालिका
केशव मैनाली– पूर्व सभासद्
गोविन्द कुसुम– पूर्व गृह सचिव
कैलाश सिरोहिया– कान्तिपुर पब्लिकेशनका अध्यक्ष
केशव स्थापित– पूर्व मेयर, काठामाडौं महानगरपालिका
सुभाष निरौला– प्रमुख, पर्यटन बोर्ड
रतिशचन्द्रलाल– महाननिर्देशक, नागरिक उड्डयन प्राधिकरण
भीम उदास
मीन बहादुर गुरुङ– व्यापारी
कालु गुरुङ– घरजग्गा व्यवसायी
भवानी सुवेदी– अख्तियार
दिनेश वस्नेत– इञ्जिनियर
गीता वाग्ले
निरज गोविन्द श्रेष्ठ
भवन भट्ट– प्रकाशक, कारोवार दैनिक
सुरेश आचार्य
कृष्ण शर्मा ठमेल
नरेश भट्ट
रामप्रताप थापा,जर्मन
कृष्ण शर्मा– क्रसर उद्योगी
नेपाल तीर्थस्थल विकास राष्ट्रिय समिति
नेपाल निर्माण व्यवसायी महासंघ
अशोक तोदी– व्यवसायी
दिव्यमान श्रेष्ठ
ईश्वर भट्टराई इटहरी
भीमार्जुन आचार्य– अधिवक्ता
पुरुषोत्तम घिमिरे– सहसचिव, वाणिज्य मन्त्रालय
पुरु रिसाल– पत्रकार
लक्ष्मण ढकाल– पिए, प्रधानमन्त्री सुशील कोइराला
वैकुण्ठ अर्याल– प्रमुख, बजेट महाशाखा, अर्थ मन्त्रालय
सूर्यप्रसाद कोइराला– सहसचिव
चन्द्रप्रसाद ढकाल– व्यापारी
