वैदेशिक रोजगार विभागले जेठ १ गतेबाट हस्तलिखित राहदानीमा श्रम स्वीकृति नदिने निर्णय गरेपछि कामदार मात्र होइन विदेशस्थित नेपाली दूतावासहरुसमेत अन्यौलमा परेका छन्। विभागले आफै पनि दुई महिनाअघिको यो निर्णय लागू हुनेमा ढुक्क देखिदैन। आजको कान्तिपुरमा खबर छ।
अन्तर्रराष्ट्रिय उड्यान संगठन आइकाओका अनुसार २०७२ मंसिर ८ पछि विश्वभर हस्तलिखित राहदानी चल्दैन। विभागले म्याद सकिनुभन्दा १९ महिनाअघि नै हस्तलिखित श्रम स्वीकृति नदिने निर्णय गरेको हो। विभागको निर्णयबाट रोजगारीका लागि विदेश जाने र छुट्टीमा घर फर्किएका अन्यौलमा छन्। मेसिनले पढ्ने राहदानी समयमै बनाउन कठिन हुने भन्दै उनीहरुले हचुवाका भरमा यस्तो निर्णय गरिएको आरोप लगाएका छन्।
विभागको निर्णय श्रम स्वीकृति नलिएका नयाँ कामदार वा हस्तलिखित राहदानीको म्याद सकिन लागेकोलाई हो स्पस्ट छैन। विभागले गत फागुन ७ गते प्रकाशन गरेको यससम्बन्धी सूचना विदेशस्थित नेपाली दूतावासहरुमा अहिलेसम्म पुगेको छैन।
