स्वामी कमलनयनाचार्यले पशुपतिमा गत वैशाख १ गतेदेखि चलाइरहेको यज्ञमा उनले सल्लाहकार, उपाध्यक्ष, महासचिव र कार्यसम्पादन समितिमा राखेका उच्चपदस्थहरुले आफूलाई सोध्दै नसोधी आफ्नो नाम यज्ञको पर्चामा छपाएको भन्दै आपत्ति प्रकट गरेका छन्।
'नेपाल माता महिमा राष्ट्रिय महायज्ञ' नाम दिइएको यज्ञमा परमाध्यक्ष कमलनयनाचार्य छन् भने उनको नेतृत्वमा प्रधानमन्त्री, प्रधानान्यायाधीश, प्रमुख दलका नेता, मन्त्री र सचिवहरु सल्लाहकार, उपाध्यक्ष, महासचिव र कार्यसम्पादन समिति सदस्य छन्। मुलुकका ८५ जना ‘गन्यमान्य’हरुलाई मुक्तिनाथ बाबा भनिने कमलनयनाचार्यले यज्ञ समारोह समितिमा राखेका छन्।
वहालवाला र पूर्व प्रधानमन्त्रीहरु, प्रधान न्यायाधीश र न्यायाधीशहरु, उपप्रधानमन्त्री र पूर्वमन्त्रीहरु, लोकमानसिंह कार्कीसहित संवैधानिक निकाय प्रमुख, वहालवला र पूर्व सचिवहरु, सभासद् तथा उद्योगी व्यापारीहरु महायज्ञको आयोजक छन्।
मुलुकको सर्वोच्च पदमा रहेका प्रधानमन्त्री, उपप्रधानमन्त्री र संवैधानिक अंगका प्रमुखहरु लगायतको नाम यज्ञको पर्चामै समारोह समितिमा छाप्नुअघि कमलनयनाचार्यले सम्बन्धित व्यक्तिसँग स्वीकृति लिए त? कि सोध्दै नसोधी छपाइदिए पर्चामा मुलुकका सर्वोच्च पदाधिकारीहरुको नाम?
प्रधानमन्त्री सुशील कोइरालाको नाम सल्लाहकारमा राखेको भए पनि महायज्ञको सल्लाहकारमा बस्न उनले औपचारिक स्वीकृति नदिएको उनका प्रेस सहयोगीले बताए।
निर्वाचन आयोगका प्रमुख आयुक्त निलकण्ठ उप्रेतीले त अझ आफूलाई त्यो महायज्ञ भनेको के हो भन्नेसम्म थाहा नभएको बताए।
हामीले कतिपय उच्च पदाधिकारीहरुसँग सोध्यौँ, 'कसरी छापियो तपाईँको नाम कमलनयनाचार्यको पर्चामा?'
उनीहरुका जवाफ जस्ताको तस्तै:
प्रकाश अधिकारी (प्रधानमन्त्रीका प्रेस सहयोगी): प्रधानमन्त्री त्यो महायज्ञको सुरुको दिन त त्यहाँ जानुभएको हो। तर वरिष्ठ सल्लाहकार राखेको रैछ मैले पनि बल्ल थाहा पाएँ। चिनजानका आधारमा राखेको होला। औपचारिक रुपमा उहाँसँग स्वीकृति लिएको जस्तो त लाग्दैन तर हो भने मलाई थाहा पनि छैन।
रमेश रिजाल (प्रधानन्यायाधीश सचिवालय): श्रीमान् (प्रधानन्यायाधीश दामोदरप्रसाद शर्मा) सँग यसबारेमा कुरा भएको थियो। महायज्ञको वरिष्ठ सल्लाहकार बस्न सहमति भएको होइन रे। यसरी जानकारी र सहमति नै नलिई नाम राख्न हुँदैनथ्यो।
माधवकुमार नेपाल: मलाई महायज्ञमा निम्ताे दिन केही मानिस आएका हुन्। यज्ञका बारेमा सल्लाह दिनु पनि भने, सुरुको दिनको कार्यक्रममा म गएको पनि हुँ। तर, सल्लाहकार वा उपाध्यक्ष राख्ने, नाम छाप्ने कुरा मेरो जानकारीमा छैन। म यस्तो कमिटीमा बस्दा पनि बस्दिनँ। पार्टीमा त अध्यक्षबाहेक अरु पदमा जान्नँ भन्ने म महायज्ञ मूल समितिमा कसरी बसुँला?
जगदीशचन्द्र पोखरेल (सैनिक प्रवक्ता): चैत ३० गतेदेखि प्रधानसेनापति मलेसिया भ्रमणमा हुनुहुन्छ। उहाँलाई महायज्ञको कार्यसम्पादन समितिमा राखे को मैले भर्खर थाहा पाएँ। उहाँ विदेश गएका बेला आएका निजी चिठीहरु हामीले खोल्न मिल्दैन। यो महायज्ञको कार्यसम्पादनमा बस्नका लागि स्वीकृति लिए/दिएको अफिसियल जानकारीमा छैन। उहाँसँग निजी स्वीकृति लिएको भने हामीलाई थाहा भएन। तर कार्यालयम भने जानकारी छैन। अब अरु कुरा उहाँ फर्केर आएपछि नै थाहा हुन्छ।
निलकण्ठ उप्रेती (प्रमुख आयुक्त, निर्वाचन आयोग): 'के महायज्ञ हो त्यो? मलाई त थाहा छैन त। म त्यसमा संलग्न छैन, मलाई जानकारी पनि छैन। मेरो नाम नै राखेको छ? यो त बर्बाद भयो नि!'
कृष्ण ज्ञवाली (सचिव): हो मैले आफ्नो नाम त्यहाँ (महायज्ञको कार्यसमितिको सुचीमा) देखेँ। के कुरा स्पष्ट गर्न चाहन्छु भने त्यहाँ मलाई राख्न कसैले स्वीकृति वा सल्लाह गरेको छैन मसँग। त्यस्तो एकपक्षीय निर्णयको मैले जिम्मेवारी लिन सक्दिन।
भानु देउवा (सहयोगी, शेरबहादुर देउवा): शेरबहादुर देउवा र आरजु देउवा चैत ३० गते देखि उपचारका लागि सिंगापुर हुनुहुन्छ। यो महायज्ञका बारे मलाई केही थाहा छैन, उहाँलाई जानकारी भएको छ छैन पनि मैले केही भन्न सक्दिन।
भिमार्जुन आचार्य (अधिवक्ता): यसबारे मलाई केही थाहा छैन। महायज्ञकै बारेमा मलाई थाहा छैन। त्यहाँ मेरो नाम पनि छ? मलाई कसैले नाम राख्न सोधेको छैन।
श्रीधर सापकोटा (अख्तियार,सहसचिव): महायज्ञको कार्यसम्पादनमा बस्नेबारे मसँग कसैले सल्लाह गरेको छैन। उनीहरुले मेरो मलाई त्यहाँ राखेको छ भन्ने मलाई थाहा थिएन। तर त्यो विशुद्ध सामाजिक र धार्मिक उद्देश्यले गरिएको महायज्ञ हो। त्यसैले मेरो नाम राखेकोमा मैले आपत्ति जनाउन आवश्यक ठानिन।
ट्रष्टले छापेको पर्चाअनुसार त्यसमा सरिक ‘महानुभावहरु’को नाम र जिम्मेवारी निम्नानुसार छ।
महायज्ञका वरिष्ठ सल्लाहकारहरुः
सुशील कोइराला– प्रधनमन्त्री
दामोदर प्रसाद शर्मा– प्रधानन्यायाधीश
पूर्व प्रधानमन्त्री– शेरबहादुर देउवा, पुष्पकमल दहाल, झलनाथ खनाल, माधवकुमार नेपाल, सुर्यबहादुर थापा, लोकेन्द्रबहादुर चन्द र खिलराज रेग्मी ।
महायज्ञका वरिष्ठ उपाध्यक्षहरु
वामदेव गौतम– उपप्रधानमन्त्री एवं गृह
लोकमानसिंह कार्की– प्रमुख आयुक्त, अख्तियार
निलकण्ठ उप्रेती– प्रमुख निर्वाचन आयुक्त
दीपकुमार उपाध्याय– कांग्रेस नेता
शंकर कोइराला– पूर्व अर्थ मन्त्री
महायज्ञका महासचिवहरुः
मुकुन्द शर्मा पौडेल – पूर्व कामु मुख्यसचिव
पूर्ण कडरिया – पूर्व भौतिक योजना सचिव
भगवती कुमार काफ्ले– पूर्व अख्तियार प्रमुख
रमेश उप्रेती– पशुपति विकास कोष
रामकृष्ण भुर्तेल
महायज्ञ कार्य सम्पादन समितिः
अजेयराज सुमार्गी– व्यापारी
गौरवशमशेर राणा– प्रधान सेनापति
कल्याण श्रेष्ठ– सर्वोच्च न्यायाधीश
आरजु देउवा– सभासद्
महेन्द्र शेरचन– सभासद्
विक्रम पाण्डे– सभासद्
विमल केडिया– व्यापारी
उपेन्द्र महतो– एनआरएन पूर्व अध्यक्ष
शेष घले– एनआरएन अध्यक्ष
वसन्त चौधरी–उद्योगपति
जीवा लामिछाने– एनआरएन पूर्वअध्यक्ष
किशोर थापा– सचिव, शहरी विकास
कृष्ण ज्ञावली– सचिव, उद्योग
सूर्य सिलवाल– सचिव, गृह
जनार्दन नेपाल– सचिव
उपेन्द्रकान्त अर्याल– आइजिपी
कोषराज वन्त– आइजिपी ९सशस्त्र०
चुडामणि शर्मा– महानिर्देशक, वित्त शुद्धिकरण विभाग
खुमराज पुञ्जाली– महानिर्देशक, राजश्व अनुसन्धान विभाग
श्रीधर सापकोटा– अख्तियार सहसचिव
भरत सुवेदी– सहसचिव, अर्थ मन्त्रालय
काठमाडौँ महानगरपालिका
लालितपुर उपमहानगरपालिका
भक्तपुर नगरपालिका
केशव मैनाली– पूर्व सभासद्
गोविन्द कुसुम– पूर्व गृह सचिव
कैलाश सिरोहिया– कान्तिपुर पब्लिकेशनका अध्यक्ष
केशव स्थापित– पूर्व मेयर, काठामाडौं महानगरपालिका
सुभाष निरौला– प्रमुख, पर्यटन बोर्ड
रतिशचन्द्रलाल– महाननिर्देशक, नागरिक उड्डयन प्राधिकरण
भीम उदास
मीन बहादुर गुरुङ– व्यापारी
कालु गुरुङ– घरजग्गा व्यवसायी
भवानी सुवेदी– अख्तियार
दिनेश वस्नेत– इञ्जिनियर
गीता वाग्ले
निरज गोविन्द श्रेष्ठ
भवन भट्ट– प्रकाशक, कारोवार दैनिक
सुरेश आचार्य
कृष्ण शर्मा ९ठमेल०
नरेश भट्ट
रामप्रताप थापा,जर्मन
कृष्ण शर्मा– क्रसर उद्योगी
नेपाल तीर्थस्थल विकास राष्ट्रिय समिति
नेपाल निर्माण व्यवसायी महासंघ
अशोक तोदी– व्यवसायी
दिव्यमान श्रेष्ठ
ईश्वर भट्टराई ९इटहरी०
भीमार्जुन आचार्य– अधिवक्ता
पुरुषोत्तम घिमिरे– सहसचिव, वाणिज्य मन्त्रालय
पुरु रिसाल– पत्रकार
लक्ष्मण ढकाल– पिए, प्रधानमन्त्री सुशील कोइराला
वैकुण्ठ अर्याल– प्रमुख, बजेट महाशाखा, अर्थ मन्त्रालय
सूर्यप्रसाद कोइराला– सहसचिव
चन्द्रप्रसाद ढकाल– व्यापारी