कैलालीको धनगढीमा सम्पन्न ‘कर्पोरेट पुरुष व्याडमिन्टन प्रतियोगिता’ को उपाधि नवराज जोशी र अभयलाल श्रेष्ठको जोडीले जितेको छ ।
शुक्रवार स्थानीय कभर्डहलमा सम्पन्न फाइनल खेलमा जोशी र श्रेष्ठको जोडीले शैलेन्द्र श्रेष्ठ र भुपेन्द्रसिँह धामीको जोडीलाई १५–२१, २१–१६ र २१–१३ अंकले हराउँदै उपाधी हात पारेका हुन् । जितसँगै विजेता जोडीले ३० हजार रुपैंया, ट्रफी र प्रमाणपत्र हात पा¥यो । द्वितीय हुने टिमले २० हजार रुपैंया पायो ।
यस अघि शुक्रवार नै सेमिफाइनलमा जोशी र श्रेष्ठ जोडीले सुनिल श्रेष्ठ र जगत खड्कालाई २१–२ र २१–३ को सोझो सेटमा हराउँदै फाइनल प्रवेश गरेका थिए । यस्तै शैलेन्द्र र भुपेन्द्रको जोडीले सेमि फाइनलमा जगदिश प्रसाद भट्ट र सुरेश वमको जोडीलाई २१–१९ र २२–२० अंकले हराउँदै फाइनल यात्रा तय गरेको थियो ।
तृतीय घोषित दुवै टिमले १०-१० हजार रुपैंया पुरस्कार पाए । विजेतालाई कार्यक्रमका प्रमुख अतिथी सुदूरपश्चिम प्रहरी प्रमुख डिआईजी जय वहादुर चन्दले पुरुस्कार तथा प्रमाणपत्र वितरण गरेका थिए।
नयाँ वर्षको उपलक्ष्यमा कैलाली जिल्ला व्याडमिन्टन संघ र सुदूरपश्चिम क्षेत्रीय प्रहरी कार्यालयको संयुक्त आयोजनामा प्रतियोगिता सञ्चालन गरिएको हो । प्रतियोगितामा सुदूरपीश्चम तथा अन्य क्षेत्रका ४१ वटा टिमको सहभागिता रहेको कैलाली जिल्ला व्याडमिन्टन संघका महेश शाहले बताए । प्रतियोगिताको सह–प्रायोजन सनराईज वैंक धनगढीले गरेको थियो ।
फोटो क्याप्सन् कर्पोरेट व्याडमिन्टन प्रतियोगिताका विजेता नवराज र अभयलालको जोडीलाई नगद चेक वितरण गर्दै सुदूरुपश्चिम प्रहरी प्रमुख डिआईजी जय वहादुर चन्द ।
