संविधानसभाका अध्यक्ष सुवासचन्द्र नेम्बाङले आगामी माघ ८ गतेभित्र नयाँ संविधान जारी नभएसम्मका लागि विदेश सयर नगर्न राजनीतिक दलका सभासदहरुलाई सुझाव दिएका छन।
संविधानसभा सचिवालय संचारकर्मी अर्न्तक्रियात्मक कार्यक्रमको गोदावरीमा शनिबार उद्घाटन गर्दै उनले यस्तो सुझाव दिएका हुन।
सरकारले विगतदेखि हुन नसकेको स्थानीय निकायको निर्वाचनको कुरा गर्दै गरिरहेको र केही दलहरुले पार्टीको अधिवेशन र संगठन विस्तारको कार्यक्रममा व्यस्त रहने र कतिपय नेताहरु विदेश भ्रमण जाने गरिरहेको अबस्थामा सभामुखले त्यसप्रति आपत्ती जनाउदै यसले संविधान निर्माण प्रक्रिया असर पर्न नहुने बताए।
केही समय अघि नेपालका लागि चेकोस्लोभाकियाका राजदूतले आफूसँगको भेटका क्रममा आफ्नो मुलुक भ्रमणको निम्ता दिएको प्रसंग उल्लेख गर्दै ती राजदूतलाई आफूले विगतको संविधानसभाको अबधीमा चन्द्रमा बाहेक संसारका सबै मुलुकको भ्रमण र त्यहाको संविधानको अध्ययन गरेको ले यस पटक त्यस्तो भ्रमणको आवश्यक नरहेको बताएको उल्लेख गरे।
'अघिल्लो पटक चन्द्रमा बाहेक संसारभरी हामीले सबै घुम्यौ तर संविधान बनाउन सकेनौ, अब यसपटक माघ ८ गते अघि मुलुकमा नयाँ संविधान नबनाइ हामी विदेश भ्रमण गर्ने होइन संविधान बनिसकेपछि लौ हामीले यस्तो संविधान बनायौ भनि जाउला,' नेम्बाङले भने।
मुलुक अहिले पनि एउटा अप्ठारो अबस्थाबाट गुज्रीरहेको उल्लेख गर्दै उनले भने, 'हामी अहिले पनि अध्यारो सुरुगमा छौ तर खाली फरक भनेको सुरुङको मुखमा केही उज्यालो देखिएको छ। प्हिलेे संविधानसभा भगं भएपछि मुलुक अध्यारो सुरुगमा गयो भनेको थिए र अहिले पनि अध्यारो भएपनि संविधासभा आएको छ। दलको सरकार बनेको छ। प्रधानन्यायधीशलाई सिहदरबारबाट सर्वोच्च अदालतमा स्थापित गरेका छौ।'
मुलुकको राजनीतिक गतिको रेलले गति लिदै गरेको भन्दै नेता नेम्बाङले अब नयाँ नियमावलीको आधारमा एकवर्षभित्र संविधान निर्माण गरी सहि गतिमा जानु पर्ने धारणा राखे। बैशाख १५ भित्र सविधानसभाका समितिका सभापतिहरुको चयन निर्वाचनबाट गर्न परेपनि सहमतिको वा निर्विरोध रुपमा चयन हुने उल्लेख गरे।
'अभिलेख अध्ययन तथा निर्क्यौल समितिले आफ्नो कार्य जारी राखेको छ यसले आफ्नो प्रतिवेदन आएपछि अरु समितिले काम पाउछ। उनले भने, 'संविधानसभा र दलका सभासदहरुलाई सधै सकारात्मक रुपले सचेत र घचघचाउन आग्रह गर्छु ।अहिले पनि स्थानीय निकायको निर्वाचन, दलहरुको अधिवेशन वा आन्तरिक संगठनका कार्यमा लाग्दा संविधान निर्माणको प्रक्रियाबाट बाहिर नजान मिडियाले भूमिका खेल्नुपर्छ।'
उनले पत्रकाारसँगको सम्बन्ध लामो छ र यसले निरन्तरता पाइरहनु पर्ने धारणा राखे । 'सचिवालय संसद र पत्रकारविचको सम्बन्धलाई हेरी नै पत्रकारलाई पदेन सदस्य भनेको हुँ। र भनी नै रहन्छु, उनले भने,
पत्रकार, पत्रपत्रिकाले हामीले खेल्नपर्ने भूमिका समेत पनि खेलिरहेका छन। कतिपय विषय पत्रिकाले खेलेको भूमिकाले सचिवालयलाई पनि सहज बन्दो रहेछ।'
'कतिपय कमिकमजोरी हाम्रै हकमा पनि भएका हुन सक्छ। मिडियाले गरेका हरेका सहि र गलत दुबै समाचारको प्रभाव अत्यन्त गम्भीर प्रभाव पार्न सक्छ। तसर्थ मिडियाको सकारात्मक परिवर्तनका लागि अगाडि बढ्न सक्छ।
कार्यक्रममा उपाध्यक्ष ओनसरी घर्तीमगरले सञ्चारजगतले राष्ट्र र जनतालाई सूचना ज्ञारेन्टी गर्ने अगं हो। हाम्रो देशले स्थायित्व र उन्नतिका लागि संविधान निर्माणको जिम्मेवार घडीमा छौ। संचारकर्मी र सचिवालयविच सूमधूर संबन्ध जरुरी छ जुन यस अर्न्तक्रिया कार्यक्रमले महत्वपूर्ण भूमिका खेल्ने छ भन्ने विश्वास गदर्छु।' कार्यक्रममा नेम्बाङले भने।
स्वागत मन्तव्य दिदै सचिवालयका सचिव ठाकुर प्रसाद बरालले सचिवालय र संचारकर्मीबीचको सम्बन्ध कस्तो हुनु पर्छ र कस्तो रह्यो भन्ने बारेमा छलफल गरी अझ गाढा सम्बन्ध स्थापना गर्न मद्दत हुने बताए ।
