नेपाली कांग्रेसका नेता रमेश लेखकले ब्यवस्थापिका संसदमा प्रस्तुत सत्य निरुपण तथा मेलमिलाप आयोग सम्बन्धी विद्येयकमा सबै द्धन्दकालिन घटनामा आममाफी दिने कुनै पनि ब्यवस्था नरहेको बताएका छन।
रिपोर्टर्स क्लब नेपालले शनिबार आयोजना गरेको साक्षात्कारमा उनले आयोगले घटनाको प्रकृति हेरेर गम्भीर प्रकृतिको भए कारबाही गर्न र अन्य घटनामा मेलमिलापको माध्यमबाट आममाफी दिन सरकारलाई सिफारिस गर्ने ब्यवस्था रहेको बताए।
साक्षात्कारमा लेखकले भने–'विद्येयकमा केही कमजोरी भए पनि बाहिर आए जस्तो सबै विषयमा आममाफी दिने भन्ने होईन। आयोगले छानविन गरेर गंभिर प्रकृतिको देखे सरकारलाई कारबाहीको र अन्य मेलमिलाप हुने घटनामा मेलमिलापको माध्यमबाट आममाफी दिने ब्यवस्था छ।
उनले सत्य निरुपण तथा मेलमिलाप आयोगमा बस्ने ब्यक्तित्वहरुलाई अन्तर्राष्ट्रिय कानून, अभ्यास, नेपाल पक्ष रहेको सन्धी सम्झौता लगायतका विषयमा जानकारी हुने भएकोले अहिले नै आयोग नबन्दै यस्तो वा त्यस्तो हुन्छ भनेर शंका नगर्न आग्रह गर्दै प्रत्येक मुलुकमा सत्य निरुपण तथा मेलमिलाप आयोगको अभ्यास र ब्यवस्था फरक फरक रहेको विषयमा समेत ध्यान दिन सुझाव दिए।