नेपाल अर्वुद रोग निवारण संस्था पाँचथर केन्द्रिय कार्यालय र भरतपुर क्यान्सर अस्पताल चितवनको सहयोगमा पाँचथरको सदरमुकाम फिदिमस्थित जिल्ला अस्पताल पाँचथर परिसरमा शनिवार क्यान्सर रोग परिक्षण शिविर तथा औषधि वितरण तथा महिलाहरुको पाठेघरको मुखमा क्यान्सर रोग (प्याफ स्मेयर) परिक्षण कार्यक्रम सम्पन्न भएको छ।
शिविरमा पाँचथर तेह्रथुम र ताप्लेजुङ जिल्लाका २ सय ४७ जनाले स्वास्थ्य परिक्षण गराएका थिए । जस मध्ये एक सय ६५ जनाले साधारण तथा ८२ जनाले महिलाको पाठेघर तथा स्तनमा हुन सक्ने क्यान्सरको परिक्षण गराएको संस्थााका अध्यक्ष मित्र प्रसाद काफ्लेले बताए ।
उनका अनुसार शिविरमा सहभागीहरुको सम्भावित खतराको परिक्षण गरी समस्याको आधारमा रोग निधानका लागि भरतपुर क्यान्सर अस्पताल तथा सम्वन्धित निकायमा पठाइने छ । जिल्लामा महिलाहरुको पाठेघर सम्वन्धिको समस्यालाइ मध्यनजर राख्दै संस्थाले केन्द्र संगको सहकार्यमा एक दिवशिय स्वास्थ्य शिविरको आयोजना गरीएको बताए ।
शिविरमा कन्सलटेन्ट अकोलोजिष्ट डा. गिसुप निरव प्रसिको , गाइनो अकोलोजिष्ट डा. एलिजा श्रेष्ठ , मेडिकल अफिसर डा. रञ्जना कर्माचार्य सहितको १७ सदस्सीय विशेषज्ञ टोलिको उपस्थिति थियो ।
विशेष गरी महिलाहरुमा रहेका आन्तरिक समस्याहरुलाइ विभिन्न अन्धविश्वासका साथै लाजका कारण रोग लुकाउने कारण थुप्रै महिलाहरु समस्यामा रहने गरेको अवस्थामा जिल्लामा आयोजित शिविर केहि हदसम्म सहयोगी बन्ने सरोकारवालाहरु बताउँछन् ।
स्वास्थ्थ उपचारमा आएका सहभागीहरुलाइ क्यान्सर रोग लक्षण सावधानीका उपाय निदान र पहिचान सम्वन्धि सचेतना समेत विशेषज्ञ स्वास्थ्य टोलिले गरेको थियो ।
