नेपाली चलचित्र ६ एकान ६ ले नेपालका तहल्का मच्चाएपछी कतारमा पनी प्रदर्शन हुने भएको छ । बल्क बष्टरको सूचीमा परेको यो फिल्मले दुई दिनमै ७८ लाख ग्रस कलेक्सन गरेको थियो ।
निर्देशक दिनेश डिसीद्धारा निर्मित यो चलचित्रमा सानो प्रर्दाका हास्य कलाकारहरुको बजोड अभिनय रहेको छ । तितोसत्य , जिरे खुर्सानी र मेरीबास्सैका मुख्य अभिनेताहरु यो सिनेमामा समेटिएका छन । दीपकराज गिरी , दिपाश्री निरौला र निर्मल शर्माद्धारा निर्माण गरिएको यो चलचित्रले दुई हप्तामा २ करोड भन्दा बढि कलेक्सन गर्न सफल भएको छ ।
कतारको ग्लोबल सिनेमा हल सनैयास्थित ग्राण्ड मलमा आगामी २ मेई २०१४ शुक्रवारका दिन तिन शो प्रदर्शन हुन लागेको आयोजक पक्षले बताएको छ ।
यो चलचित्र प्रदर्शनका लागि स्याङ्गजा सम्पर्क मञ्च र माझी सेवा समाजले सहकार्य गरेको छ ।
चलचित्रको पहिलो शो कतारको स्थानीय समयानुसार बिहान ११: ३० , दिउसो १४: ३० र १७: ३० बजे पर्दशन हुदैछ ।
यस चलचित्रमा दLपकराज गिरी, जितु नेपाल (मुन्द्रे), शिवहरी पौडेल (मुखाँ हान्नु जस्तो ), केदार घिमिरे ( माग्नेबुढा), सिताराम कट्टेल (धु्रमुस), सन्दिप क्षेत्री लगायतका हास्य कलाकारहरु रहेका छन ।
साथै नायक राजबल्लभ कोईराला , नीर शाह र गजित बिष्टको विशेष भुमिका रहेको छ । छ जना नायकहरुको एउटी नायीका बनेर निता ढुङ्गनाले यस चलचित्रमा अभिनय गरेकीछन् । कमेडी एक्शन चलचित्र ६ एकान ६ मा शम्भुजीत बास्कोटाको संगित , एनबी मर्हजनको दव्न्द , गम्भीर विष्टको नृत्य , पुरुषोत्म प्रधानको क्यामरा रहेको छ ।
दिपक राज गिरीको कथामा बनेको सो चलचित्रमा हरिवंश आर्चायले निर्देशक डिसीसँगै शीर्ष गीत ६ एकान ६ मेरो माया तिम्लाई ६... गाएका छन ।
नेपाली चलचित्रहरुको खस्कदो व्यापारलाई लुटले केहि माथि उकासेको थियो त्यस्तै अहिले ६ एकान ६ले राम्रै बजार तताएको छ । कतारको सन्दर्भमा पनि लुट फिल्म चले जस्तै ६ एकान ६ ले पनी राम्रै व्यापार गर्ने अनुमान गरिएको छ ।