युगकवि सिद्धिचरण प्रतिष्ठानले २०७१ सालको ‘युगकवि सिद्धिचरण पुरस्कार’ आठ दशकदेखि निरन्तर नेपाली भाषा, साहित्य र संस्कृतिका क्षेत्रमा उल्लेखनीय योगदान पु¥याउनुभएका संस्कृतिविद् सत्यमोहन जोशीलाई प्रदान गर्ने निर्णय गरेको छ ।
यस्तै, ‘युगकवि सिद्धिचरण पत्रकारिता पुरस्कार’ कान्तिपुर दैनिकका पत्रकार तथा युवाकवि फूलमान बललाई प्रदान गर्ने निर्णय गरिएको छ ।
पुरस्कारको राशि क्रमश रु ५० हजार र रु १० हजार रहेको छ ।
दुवै पुरस्कार युगकवि सिद्धिचरण श्रेष्ठको १०३ औँ जन्मजयन्तीका अवसरमा आगामी जेठ ९ गते प्रदान गरिनेछ ।
प्रतिष्ठानका अध्यक्ष श्यामदास वैष्णवको अध्यक्षतामा आज बसेको बैठकले जोशी र बललाई पुरस्कृत गर्ने निर्णय गरेको हो । रासस
