पर्यटन मन्त्री भीमप्रसाद आचार्यले आजदेखि नेपालका सबै क्यासिनो बन्द गरिएको दाबी गरेका छन्।
आज चितवनमा प्रेस चौतारीले आयोजना गरेको पत्रकार सम्मेलनमा बोल्दै उनले क्यासिनो बन्द गरेको जानकारी दिए।
'अनुगमन हुन्छ ,कुनै चलेको पाईए कडा कारबाही हुन्छ,' उनले भने,'मुख्य गरी क्यासिनोले राजस्व वुझाउनुपर्ने , होटलको भाडा तिर्नुपर्ने र मजदुरको समस्या समाधान गर्नुपर्ने देखिएको हो, मन्त्री आचार्यले बताए।
उनले तीन कुरा पुरा नभएसम्म कुनै क्यासिनो संचालन नहुनेे बताए।
क्यासिनोले करोडौं रकम भुक्तानी गर्नुपर्ने देखिएपछि सरकारले समयसिमा दिएको थियो। तर अधिकाँश क्यासिनोले समयमा कुनै काम नगरेको उनले बताए।
अर्काे प्रसंगमा मन्त्री आचार्यले स्थानिय निर्बाचन ६ महिनामा नहुने भन्दै अव कार्तिक मंसिरमा मात्रै हुने जानकारी दिए। उनले अहिले दलहरुविच छलफल भैरहेको र कार्तिक या मंसिरमा चुनाव हुने विषयमा सहमति जुट्ने संभावना रहेको बताए।
सरकारले एक बर्षको एक दुई महिना तलमाथि भएपनि संविधान भने बनाउने ठोकुवा गरे। पत्रकारसँग कुरा गर्दै उनले एमालेको महाधिवेशन समयमै हुने र विवाद नहुने गरी गर्नै प्रयास भैरहेको दावी गरे। तर उनी महाधिवेशनका अन्य कुरामा भने खुलेनन्।
उनले सरकारको काम ढिला सुस्ती भएको स्विकार गर्दै काम भने गरिरहेकेा जीकिर गरे। पोखराको विमानस्थलको बनाउने विषयमा भने सरकारले निर्णय गरेको उनले जानकारी दिए
