वन तथा भूसंरक्षण मन्त्री महेश आचार्यले सत्य निरुपण तथा मेलमिला आयोग द्धन्द्ध बढाउन नभई द्धन्द्ध समाधानका लागि भएको बताए।
उनले अहिले संसदमा पेश भएको विधेकमा आममाफीको कुनै विषय नभएको भन्दै यसको उद्देश्य घटनाहरु सत्यतथ्य बाहिर ल्याउने र आम मानिसमा मेलमिलाप गराउनु रहेको प्रष्ट पारे।
प्रेस युनियन चितवनले आज चितवनको भरतपुर विमान स्थलमा गरेकेा पत्रकार सम्मेलनमा उनले यस्तो बताएका हुन्।
सो क्रममा मन्त्री आचार्यले संसदमा उठेका विषयवस्तु र पत्रकार कनकमणि दिक्षितसँग लक्षित विषयमा अध्ययन हुनुपर्नेमा जोड दिए। बास्तवीकताको बारेमा भने आफू जानकार नभएको उनले प्रष्ट्याए।
ती घटनाहरुले राजनीतिक पनि नभड्कियोस् भनेर आयोग बनाउन लागेको उनले उल्लेख गरे। अहिले नयाँ संविधान निर्माणको प्रक्रियामा रहेकाले यसतर्फ गम्भिर हुनुपर्नेमा जोड दिए। पिडितहरुको न्यायका लागि नै आगोग सहयोगी हुने उनले बताए।
फरक प्रसंगमा मन्त्री आचार्यले नेपालमा ल्याउन लागिएको भनिएको रेलमार्गका कारण वातावरणमा असर नपरोस् भन्ने उद्देश्य मन्त्रालयको रहेको बताए। उनले पहिले बातावरण जोगाएर विकासका कार्यक्रम अगाडि बढाउनुपर्नेमा जोड दिए।