व्यवस्थापिका–संसद्को आजको बैठकमा विश्वको सर्वाेच्च शिखर सगरमाथा आरोहणका क्रममा हिमपहिरोमा परी निधन भएका परिवारलाई उचित क्षतिपूर्ति दिन सभासद्ले माग गरेका छन्।
बैठकमा सभासद् विनोद श्रेष्ठ र वाङ्छे शेर्पाले समय माग गरी सरकारले आरोहरणमा संलग्न हुने पथप्रदर्शक, भरिया (सहयोगी) तथा पर्वतारोहीलाई विपत्तिको जोखिमबाट बच्ने उपायका लागि दीर्घकालीन सोच बनाउनुपर्नेमा पनि जोड दिएका थिए।
बैठक शुरु हुनासाथ समय माग गर्दै एमालेका सभासद विनोद श्रेष्ठ र एमाओवादीका सभासद वान्दी शेपाले आधारशिविरमा भएको घटनावारे कुरा उठाएपछि सभामुखले सरकारको ध्यानाकर्षण गरेका हुन।
वैशाख ५ बिहान आधार शिविरमा पहिरो जादा आरोहण टोलीका १६ जनाको मृत्यु हुनुको साथै ३ जना हराएका थिए।
एमाले सभासद श्रेष्ठले सगरमाथा आधार शिविरमा आरोहणमा गएका टोलीका सदस्यहरुको हिम पहिरोका कारण मृत्यू भएका व्यक्तिहरुको परिवारलाई सरकारले उचित राहत दिनु पर्ने माग गरेका थिए।
त्यसैगरी एमाओवादी सभासद शेपाले शिविरमा दुर्घटनामा परी अझै ३ जना हराइरहेका छन। यो घटना वातावरण परिवर्तनको अलवा सरकारको हेलचक्रयाइले पनि भएको बताए । उनले भने,'अहिले मात्रै त्यहा ४२ वटा आरोहण टोलीलाई अनुमति दिदा भीडले गर्दा यस्तो भयो।'
'मृतकको परिवारको लागि अहिले ४० हजार रुपैया भन्दा बढी दिएको छैन र उनीहरुले पाउने भनिएको बिमा १० लाख उपलव्ध दिएको छैन। यो पर्यटन व्यवसायलाई राज्यले उचीत ध्यान दिन सभामुखले सदनमा यो विषय उठेपछि यसबारे ध्यानाकर्षण गदै सरकारले यो विषयमा के गर्दै छ सदनलाई जानकारी गराओस,' उनले भने।
यस्तै आजको शून्य समयमा विभिनन सभासद्ले समसामयिक सवालमा बैठकमा सरकारको ध्यानाकर्षण गराएका थिए।