न्यायपरिषदले सर्वोच्च अदालतमा ८ जना स्थायी न्यायाधीश नियुक्ती गर्नका लागि सिफारिस गरेको छ।
विहान साढे १० बजे देखि बसेको परिषदबैठकले सर्वोच्चकै न्यायाधीशबाट केही दिन अघि अवकास पाएका एक जना र पुनरावेदन अदालतका ७ जना मुख्य न्यायाधीशलाई सर्वोच्चको स्थायी न्यायाधीशका संवैधानिक परिषद समक्ष सिफारीस गरेको हो।
सर्वोच्चको अस्थायी न्यायाधीशबाट केही दिन अघि अवकाश पाएका बैद्यनाथ उपाध्याय, विभिन्न पुनरावेदन अदालतकाका मुख्य न्यायाधीशहरु गोपाल पराजुली, दिपकराज जोसी, गोविन्द उपाध्याय ओमप्रकाश मिश्र,देवेन्द्र गोपाल श्रेष्ठ, कायममुकायम मुख्य न्यायाधीशहरु,चोलेन्द्र शमसेर र जगदीशचन्द्र शर्मा लाई सर्वोच्च अदालतका स्थायी न्यायाधीशका लागि संवैधानिक परिषद समक्ष सिफारिस गरेको हो।
परिषदले संसदीय सुनुवाई का लागि सिफारीस फेरी उनीहरुलाई सिफारीस गर्नुपर्ने छ। संसदीय सुनुवाई बाट पारीत भएकालाई मात्र सर्वोच्च अदालतकाे न्यायाधीशका लागि सरकारले नियुक्त गर्ने छ।
परिषदले ४ वर्ष यता पहिलो पल्ट सर्वोच्चमा स्थायी न्यायाधीश सिफारिस गरेको हो।
सर्वोच्च अदालतमा १५ जना स्थायी न्यायाधीश र आवश्यकता हेरी १० जना सम्म अस्थायी न्यायाधीश नियुक्त गर्न सकिने संवैधानिक प्रावधान छ। चैत २८ गते मात्रै सर्वोच्चको अस्थायी न्यायाधीश बाट अवकास पाएका पाँच जना मध्ये उपाध्याय मात्रै स्थायी न्यायाधीशका लागि परिषदको सिफारिसमा परेका छन्।
परिषदले सिफारिस गरेका व्यक्तिहरुले संसदीय सुनुवाई पार गरे भने सर्वोच्च अदालतमा प्रधानन्यायाधीश सहित १३ जना स्थायी न्यायाधीश पुग्ने छन्। परिषदले बाँकी दुई जना स्थायी न्यायाधीशका लागि भने सिफारिस गर्न सकेन।
सिफारिस गरिएका मध्ये चोलेन्द्र शमसेर राणा लाई सर्वोच्च अदालतले कारबाहीका लागि परिषदको ध्यानाकर्षण गराएको थियो।
जयप्रकाश प्रसाद गुप्ताको भ्रष्टाचार मुद्दामा फैसला गर्दा सर्वोच्च अदालतका न्यायाधीश सुशीला कार्की र तर्कराज भट्टको संयुक्त इजलासले उनीमाथि कारबाही सिफारिस गरेको थियो। उनीसंगै तत्कालिन विषेश अदालतका न्यायाधीश भुपध्वज अधिारी र कोमलनाथ शर्मालाई पनि सर्वोच्च अदालतले कारबाहीका लागि ध्यानाकर्षण गराएको थियो।
विषेश अदालतमा छदाँ उनीहरुले भ्रष्टाचार सम्बन्धी मुद्दामा गरेका फैसलाहरुका आधारमा सर्वोच्चले परिषदको ध्यानाकर्षण गराएको थियो।