एकिकृत नेकपा माओवादीका नेता तथा पुर्वमन्त्री टोपबहादुर रायमाझीले प्रधानमन्त्री सुशील कोइराला आफ्नै कारण निरीह, असक्षम र असफल प्रधानमन्त्री भएको बताए।
प्रधानमन्त्रीको कुर्चीमा बसरे मलाई अरुले काम गर्न दिएनन् अवरोध गरे भनेर हिडनु शान्ति र संविधान निर्माणलाई पछाडी धकेलेर संविधान नबनाउने खेल भएको पनि रायमाझीले दावी गरे।
'कोइरालासँग बहुमतको सरकार र आफनै राष्टपति छन, एमाओवादीले प्रतिपक्षमा बसेर सहयोग गरेको छ, सबै कुराले साथ दिएको छ तर गर्न सकिन भन्नु एक वर्षभित्रमा जारी गर्नुपर्ने संविधान निर्माणप्रति जिम्मेवार नहुनु हो,' उनले भने।
नेपाल पत्रकार महासंघ अर्घाखा‘ची शाखाले सन्धिखर्कमा मंगलबार गरेको पत्रकार सम्मेलनमा नेता रायमाझिले स्थानीय निकायको निर्बाचन र संबिधान निर्माण दुबै काम एक बर्षमा हुन नसक्ने बताए।
स्थायी शान्ति र १ वर्ष भित्र संविधान निर्माणका लागि एमाओवादी प्रतिपक्षमा बसेर खबरदारी गर्ने बताए। द्धन्द्धकालीन मुद्धा उठाएर शान्ति प्रक्रिया भा“डने षडयन्त्र भैरहेको छ', उनले भने, 'डलरको खेती गर्नेहरुले शान्ति र संविधानलाई भडकाउने काम गरिरहेका छन।'
द्धन्द्धकालीन मुठा उठाएर सरकारले बृहत शान्ति सम्झौताको विपक्षमा उभिन खोजेको र देशलाई शान्तिको मार्गबाट पुनःद्धन्द्धतर्फ धकेल्न खाजेको आरोप लगाए।
उनलेे सहमति, सहकार्यबाटै देशमा निकास दिन सकिने भएकाले स्थानीय निकायको निर्बाचनलाइ भन्दा पनि संबिधान निर्माणलाइ पहिलो प्राथमिकता दिनुुपर्ने बताए
