जिल्ला शिक्षा कार्यालय पाँचथरले जिल्लाका संस्थागत विद्यालयहरुले सरकारको स्वीकृति बिना मनोमानी ढङगले शुल्क वृद्दि गरी विद्यार्थीबाट रकम असुल गरेको भन्दै ७ दिनभित्र रकम फिर्ता गर्न निर्देशन दिएको छ।
मंगलवार सदरमुकाम फिदिमस्थित नयाँ नमुना मावि वाल किरण वोर्डिङ र विद्या वरदान इङलिस स्कुलको अनुगमनको क्रममा र् शिक्षा ऐन २०२८ को दफा १६ घ को उपदफा ५ वमोजिम विद्यालयले विद्यार्थीसँग लिन पाउने शुल्क नेपाल सरकारवाट स्वीकृति लिएर मात्र निर्धारण गर्न पाउने ब्यव्स्था भएपनि बिना जानकारी मनोमानि रुपमा शैक्षिक सत्रको सुरुवात सँगै एडमिशन शुल्क,तथा कक्षागत शुल्क वृद्दि गरी रकम असुल गर्नुका साथै प्रत्येक वर्ष विद्यार्थी भर्नाका नाममा साथै विभिन्न नाममा रकम असुल गरेको पाइएको छ ।
७ दिन भित्र विद्यार्थीवाट असुल गरिएको सम्पूर्ण रकम विद्यार्थीलाई फिर्ता नगरे विद्यालयको अनुमति वा स्वीकृति रद्द हुन सक्ने जानकारी सहितको पत्राचार गरीएको शुल्क निर्धारण समितिका संयोजक तथा जिल्ला शिक्षा अधिकारी ज्ञानमणि नेपालले जानकारी दिए ।
जिल्लामा संचालीत ५० वटा निजी विद्यालयहरुले निजी विद्यालयहरुको छाता संगठन प्याप्सनको निर्णयको आधारमा आफुखुसी शुल्क लिन थालेपछि अनुगमन गरि नियमनको प्रकृया थालनी गरिएको जिल्ला शिक्षा अधिकारी तथा शुल्क निर्धारण समितिका संयोजन ज्ञानमणि नेपालले जानकारी गराए ।
कार्यालयको निर्देशनलाई अवज्ञा गरेकेा खण्डमा निजी विद्यालयहरुको दर्ता प्रकृया समेत खारेज गरीने साथै सामुदायिक विद्यालयहरुलाई आइपर्न सक्ने सम्भावित चुनौतिलाई सामना गर्नको लागिसमेत तयारीमा राखेको जिशिअ नेपालले जानकारी गराए ।
त्यको लागि सदरमुकाममा रहेका सामुदायिक विद्यालयहरुलाई अंग्रेजी माद्यमबाट पठन पाठनको लागि तयारी समेत गराएको जिशिअ नेपालले जानकारी गराए ।