नेपाली कांग्रेसका यूवा भातृ संगठन नेपाल तरुण दलका अधिकांश केन्द्रीय सदस्यहरुले संगठनलाई कमजोर बनाएको भन्दै अध्यक्ष उदय शम्सेर राणालाई तत्काल नेतृत्व छाड्न अल्मिेटम दिएका छन।
रिपोर्टर्स क्लब नेपालमा बुधवार पत्रकार सम्मेलन गरेर उनीहरुले आफै नेतृत्व नछाडे बर्खास्त गर्ने चेतावनी दिए।
यसरी चेतावनी दिनेहरुमा रमेशप्रसाद खरेल, राम रोकाय, टेकराज पौडेल, जीवन डंगोल, दिनेश राई, विनोद पन्त, नवराज श्रेष्ठ, दामोदर लम्साल, सविता सिलवाल, उद्दव कोइराला, सुवोध प्रधान, गोविन्द रानाभाट, कमल पराजुली, लक्ष्मी खतिवडा, नृप सुनवार, सरिता केसी, नवल किसोर यादव, मुकेस गुप्ता, नारायण भट्टराई, गणेश भट्ट लगायतका छन।
पत्रकार सम्मेलनमा रमेश प्रसाद खरेलले अध्यक्ष राणाले सभासद भए पछि संगठनको काममा ध्यान नदिदा संगठनको प्रभावकारिता कमजोर बनेको, आठ महिनासम्म केन्द्रीय समितिको बैठक नबोलाएको, केन्द्रीय समितिले विवाद समाधान गरेको भए पनि विवाद समाधान नभएको भनि दावी गर्दै हिडेको, कमिटिको निर्देशन पालना नगरेको, जिल्लाको विवाद समाधान नगरेको, पार्टीको निर्देशन पालना नगरेको लगायतका आरोप लगाए।
उनले अध्यक्ष राणाले सभापति सुशील कोइराला, बरिष्ठ नेता शेरबहादुर देउवा, उपसभापति रामचन्द्र पौडेलले र पार्टीले पटक पटक महाधिवेशन गर्न निर्देशन दिँदा समेत वेवास्ता गरेको भन्दै तत्काल राजिनामा दिएर आगामि सात दिन भित्रमा आगामि जेठ मसान्तसम्ममा महाधिवेशनको घोषणा नगरे आन्दोलन गरेर बर्खास्त गर्ने चेतावनी दिए।