रखाको १२ किलो बजारमा रोकिराखेको जीप अकस्मात् गुड्दा गम्भीर घाइते भएकी पालुङटारकी सबी श्रेष्ठको मृत्यु भएको छ। गोरखा अस्पतालमा प्राथमिक उपचार गरी सिमि्रक एयरको हेलिकोप्टरबाट थप उपचारका लागि उनलाई काठमाण्डौ पुर्याइएको थियो।
उपचारका लागि काठमाण्डौंको ग्राण्डी अस्पतालमा लैजादै गर्दा उनको मृत्यु भएको आफन्तलाई उद्धृत गर्दै गोरखाका डीएस्पी रमेश थापाले जानकारी दिए।
ग १ च ५४६६ नम्बरको जीप अकस्मात् पल्टदा श्रेष्ठ अपरान्ह घाइते भएकी थिइन्। अर्का घाइते एक बर्षे छोराको स्वास्थ्यस्थिती भने सामान्य रहेको गोरखा अस्पतालले जनाएको छ।
साथै घटनामा श्रेष्ठको करीब एक वर्षे छोरा पनि घाइते भएका छन्। घाइतेको गोरखा जिल्ला अस्पतालमा प्राथमिक उपचार गरी थप उपचारका लागि सिमि्रक एयरको हेलिकोप्टरबाट काठमाडौंको ग्राण्डी अस्पताल लगिएको डीएस्पी थापाले जानकारी दिए। जीप चालकलाई भने १२ किलोस्थित प्रहरी चौकीले नियन्त्रणमा लिएको जनाएको छ।
तस्वीर : घाइते श्रेष्ठको गोरखा अस्पतालमा प्राथमिक उपचार गरिदै। तस्वीर : प्रशन्न पोखरेल
