मध्यपश्चिमको कुरा उठ्दा जहिले पनि रोग भोग अशिक्षा र अभावको कुरा मात्र उठ्ने गर्छ। तर, मध्य पश्चिममा यती मात्र होईन पर्यटकीय स्थलको सभावनाको पनि खानी पनि हो । यसै भनाइलाई उजागर गर्ने हेतुले मनघरी प्रतिष्ठानको आयोजनमा सुर्खेतको जुम्लारोडस्थित लेकाली होटमा समृद्ध मध्यपश्चिम तस्विर ग्यालरी उद्घाटन गरीएको छ।
मध्यपश्चिमका पर्यटकीय स्थल, संस्कृती, रहनसहन लगायतका तस्विरहरु राखिएको छ।
लेकाली होटले एक वर्षसम्म निःशुल्क हल उपलब्ध गराएपछि प्रतिष्ठानले सो ग्यालरी खेालेको हो। ग्यालरीमा नेपालको सबै भन्दा ठूलो ताल रारा ताल, गहिरो ताल फोक्सुण्डो ताल, दोस्रो लुम्बिनीका रुपले प्रख्यात काक्रेविहार, स्वर्गद्धारी, दैलेका ज्वाला तथा विश्वसम्पदामा सूचिकृत हुनका लागि क वर्गमा परेका भुर्तिका बाईस देवल, नेपाली भाषाको पहिलेा अभिलेख, मध्यपश्चिमकै धरोहरका रुपले प्रख्यात जुम्लाको चन्दनाथ मन्दिर लगायत तस्विरहरु राखिएका छन्।
मध्यपश्चिमका पन्धै जिल्लाका ४० भन्दा बढी तस्विरहरु राखिएको छ।
ग्यालरीमा राउटेद्धार उत्पादित कोशी, मधुश, पन्यू, ढाढु लगाएतका काठका समनाहरु पनि राखिएको समितिले जनाएको छ। तस्विर ग्यालरीको उद्घाटन सल्लाहकार ऐन बहादुर शाही ,राउटेका मुखिया सूर्यनारायण शाही, दीलबहादुर शाही, वीर बहादुर शाही , सुर्खेत उद्योग वाणिज्य सघका अध्यक्ष पदम बहादुर शाही तथा क्षेत्रिय वन निर्देशानलयका निर्देशक अशोक ढुंगानाले सयुक्त रुपमा गरेका थिए।