एक लाख पुरस्कार राशीको बाँकेको राधापुरमा बिहीबारदेखि तेस्रो शान्तादेवी स्मृति फुटबल प्रतियोगिता हुने भएको छ। जय किसान स्पोर्ट क्लबले आयोजना गर्ने प्रतियोगितामा स्थानीय वासिन्दा चन्दु थापाको व्यक्तिगत लगानी रहेको छ।
प्रतियोगिताका बारेमा जानकारी दिन आयोजित पत्रकार भेटघाट कार्यक्रममा मुल आयोजक समितिका सदस्य बिनोद थापाले प्रतियोगितामा नेपाल र भारतका गरि १३ टीमको सहभागिता हुने बताए।
समूह ए मा सहारा इण्डिया, सीतापुर युनाइटेड सीतापुर ए, न्यू वागेश्वरी खजुरा, रेसिङ्ग सहारा कोहलपुर, सनमुन नेपालगन्ज, धनगढी ११, जय किसान बी रहेका छन, त्यसै गरि समूह बी मा सैनिक ए अल्पाइन क्लब, बुद्ध यूवा क्लब नेपालगन्ज, बर्दिया ११, सीतापुर युनाइटेड बी टीम र न्यू डा“फे खजुरा रहेका छन्।
प्रतियोगिताको उप विजेताले ५० हजार र सेमिफाइनलमा पुग्ने २ टोलीले १०/१० हजार पुरस्कार दिईने प्रतियोगिताका मूल आयोजक समितिका सदस्य थापाले बताए। बिजेता टिमलाई एक राख पुरस्कार राशी भएको फुटबल प्रतियोगिता मध्य तथा सुदुर पश्चिम क्षेत्र मै पहिलो पटक हुन लागेको हो।
बाँकेको राधापुरस्थित मैटहवा उच्च माविको खेल मैदानमा हुने छ।
यसैबिच बाँकेको खेल पत्रकारितालाई थप प्रभाबकारी बनाउन खेलपत्रकार कुमार श्रेष्ठको अध्यक्षतामा नेपाल खेलकुद पत्रकार क्लब बाँके गठन गरिएको छ। क्लबमा राष्ट्रिय र स्थानीय संचार माध्यममा कार्यरत युवा पत्रकारहरु आबद्ध छन।