कतारमा घरेलु काममा कार्यरत विदेशी श्रमिकले तोकेको सीमाभन्दा बढी काम गर्ने गरेको एक अध्ययनले देखाएको छ । श्रमिकहरुले सुत्दामात्र आराम पाउने गरेको निचोड एम्नेस्टि इन्टरनेसनलले बुधबार सार्वजनिक गरेको हो । ‘मेरो सुताइ नै मेरो विश्राम होः कतारमा आप्रवासी घरेलु श्रमिकहरु उपर शोषण’ प्रतिवेदनमा कतारमा घरेलु काममा कार्यरत विदेशी महिलाले साताभर र दैनिक १५ घन्टाभन्दा बढी काम गर्नुपरेको उल्लेख छ । आजको कारोबारमा खबर छापिएको छ।
महिलाले शारीरिक र यौनजन्य हिंसाका कहालीलाग्दा कष्ट भोग्नुपरेको एम्नेस्टीको छ।
कतारमा घरेलु काममा कार्यरत विदेशी महिलाको स्थिति निराशाजनक हुनुका साथै सम्झौताबमोजिम तलब र काम नदिई झुटो आश्वासन दिने गरेको प्रतिवेदनमा छ । ‘रोजगारदाताले घरेलु कामदार शोषण, जबर्जस्ती र मानव बेचबिखनजस्ता ज्याजती गर्ने गरेको देखिएको छ,’ एम्नेस्टी इन्टरनेसनल नेपालका निर्देशक रामेश्वर नेपालले भने ‘म्यानपावर कम्पनीले भनेबमोजिम काम, तलब, बिदा र अन्य सुविदा दिइएको छैन् ।’
कतारमा ८४ हजार नेपाली महिला घरेलु श्रमिक छन् । उनीहरु दक्षिण र दक्षिण पूर्वी एसियाबाट कतार पुगेका हुन् । धेरै जनाले कतार आउनुअघि आफूलाई राम्रो तलब सुविधा र काम गर्ने वातावरण प्राप्त हुने बाचा गरिए पनि त्यहाँ आइपुगेपछि सारा विश्वास र आशाहरु चकनाचुर हुने तथ्य अध्ययनमा समेटिएको छ ।
