अखिल नेपाल फुटबल संघ एन्फाले राष्ट्रिय लिग विजेतालाई १ करोड पुरस्कार दिने घोषणा गरेको छ । शुक्रबार एन्फा कम्लेक्स सातदोबाटोमा भएको कार्यसमिति बैठकले विजेतालाई एक करोड पुरस्कारसहितको राष्ट्रिय लिग संरचना सार्वजनिक गरेको हो।
कार्यसमिति बैठकले ए डिभिजन लिगका शीर्ष आठ टोलीका साथमा जिल्लाबाट चार टिमलाई समावेस गराइ १२ टिमले राष्ट्रिय लिग खेल्न पाउने संरचना तयार गरेको हो।
मोरङ, सुनसरी, झापा, कास्की, रुपन्देही,बाँके, कैलाली, पर्सा र मकवानपुरबाट जिल्लाका चार टिम छानिने एन्फाले जनाएको छ।
