अखिल नेपाल फुटबल संघ एन्फाका अध्यक्ष गणेश थापाले बिहीबार नयाँ रहस्य खोलेका छन्। एन्फा कार्यकारिणी समितिको बैठको निर्णय सार्वजनिक गर्न आयोजित पत्रकार सम्मेलनमा अध्यक्ष थापालेनेपाली राष्ट्रिय क्रिकेट टोलिका कप्तान पारस खड्काले आफूलाई एन्फासँगै क्यान पनि चलाउन आव्हान गरेको बताए।
'क्रिकेट टोलीले पाएको सफलताका लागि मैले आज पारसलाई औपचारिक रुपमा बधाई दिन टेलिफोन गर्दा पारसले मलाई एन्फासँगै क्यानपनि चलाउन आव्हान गरेका हुन्,' एन्फा अध्यक्ष थापाले भने। एन्फाका केही पदाधिकारीले उठाएको अपारदर्शीताको विषयमा सञ्चारकर्मीको प्रश्नको जवाफ दिने क्रममा थापाले प्रतिप्रश्न गर्दै भने,' एन्फाको व्यवस्थापन कमजोर भएको भए पारसले किन मलाई यस्तो भन्थे होलान्? म आफै छक्क परेको छु।' आजको अन्नपूर्णमा खबर छ।