सर्वोत्कृष्ट तामाङ फिल्म, गीत, सङ्गीत र कलाकारलाई अवार्डबाट सम्मानित गरिएको छ। बिहिबार आर्मी अफिसर्स क्लबमा आयोजित 'दोस्रो तामाङ फिल्म एण्ड म्यूजिक अवार्ड २०७१' समारोहमा विभिन्न ३५ विधामा अवार्ड वितरण गरिएको हो।
तामाङ चौतारी समूह र तामाङ चलचित्र सङ्घले आयोजना गरेको अवार्ड वितरण समारोहमा गायिका ईन्दिरा गोले र अभिनेत्री चाँदनी मोक्तानलाई 'लाईफटाईम एचिभ्मेन्ट अवार्ड' बाट अभिनन्दन गरिएको थियो। सभासद इच्छाराज तामाङले सम्मानित कलाकारद्धयलाई अभिन्दन–पत्र प्रदान गरेका थिए।
कार्यक्रममा तामाङ फिल्म समूह अन्तर्गत दोर्जे तामाङद्धारा निर्देशित चलचित्र 'ह्योरेम' ले सर्वोत्कृष्ट चलचित्रको अवार्ड हात पारे। रोशन फ्युबाले निर्देशन गरेको चलचित्र 'ल्हाप्साङकर्पो' ले नेपाली भाषामा बनेको तामाङ फिल्मतर्फबाट 'जुरी अवार्ड' हात पारेका छन्।
त्यस्तै कुमार मोक्तान – सर्वोत्कृष्ट नायक, सुकुमाया मोक्तान – सर्वोत्कृष्ट नायिका, पेशलकुमार तामाङ (ह्याङ्ला रिमठीम) – सर्वोत्कृष्ट पटकथा लेखन, रामबाबु योञ्जन (खसु न्हाङला दिनी) – सर्वोत्कृष्ट पार्श्व गायन पुरुष, शशिकला मोक्तान (ह्युल्ला माया) – सर्वोत्कृष्ट पार्श्व गायन महिला, विशाल काल्तन (ह्युल्ला माया) – सर्वोत्कृष्ट सङ्गीतकार, भीम बल (कर्मला ग्याम) – सर्वोत्कृष्ट कथा, विकास स्याङ्तान (दोर्जे डन) – सर्वोत्कृष्ट खलनायक, अमिर दोङ (मायासे लासी) – सर्वोत्कृष्ट निर्देशक, उन्छोङ चेम्जोङ (कोन्ज्यो सोम) – सर्वोत्कृष्ट द्धन्द्ध निर्देशक, युवराज राई (ह्याङ्ला रिमठीम) – सर्वोत्कृष्ट छायाँकार, कुइसाङ लामा (अमिर ज्योज्यो) – सर्वोत्कृष्ट हाँस्य अभिनेता र दिपेन्› दोङ (ङेमा दावा) – सर्वोत्कृष्ट गीत लेखन अवार्ड हात पार्न सफल भएका छन्।
तामाङ गीत समूहमा सर्वोत्कृष्ट गायकको अवार्ड – विश्व दोङ (बदनाम ताजी), सर्वोत्कृष्ट युगल गायन – तुलसा वाईबा/ईन्दिरा योञ्जन/चन्›कुमार दोङ (चलन चल्तिरी), सर्वोत्कृष्ट तामाङ गीत – बदनाम ताजी (सुर्य मोक्तान), सर्वोत्कृष्ट गीत लेखन – पारखी माईला (म्हेन्दोह्राङ सारजीगाई), सर्वोत्कृष्ट सङ्गीत – चन्›कुमार दोङ (चलन चल्तिरी) र सर्वोत्कृष्ट तामाङ गीत (सामाजिक, साँस्कृतिक र राष्ट्रिय भाव झल्कने) अवार्ड – म्हेन्दोह्राङ सारजीगाई (पारखी माईला) ले हात पारेका छन्।
तामाङ सेलो गीत समूहबाट सर्वोत्कृष्ट सेलो गीत – बिर्सेको छैन (रामबाबु योञ्जन), सर्वोत्कृष्ट सेलो गायक – आशुसेन लामा (घरचरी बस्यो घरमा), सर्वोत्कृष्ट सेलो गायिका – सानु वाईबा (परदेशमा बस्ने ए हजुर), सर्वोत्कृष्ट युगल गायन – प्रेम लोप्चन, इन्दिरा गोले, आङनिमा शेर्पा (हाम्मै लिला), सर्वोत्कृष्ट गीत लेखन – सुशन लामा (नाँच आज डम्फुको तालमा) र सर्वोत्कृष्ट सङ्गीत – टिका बम्जन (राम्री है सारै) अवार्ड जित्न सफल भए।
म्यूजिक भिडियो समूहमा सर्वोत्कृष्ट तामाङ म्यूजिक भिडियो – चलन चल्तिरी (तुलसा वाईबा, ईन्दिरा योञ्जन, चन्›कुमार दोङ), सर्वोत्कृष्ट तामाङ सेलो म्यूजिक भिडियो – हाम्मै लिला (प्रेम लोप्चन, इन्दिरा गोले, आङनिमा शेर्पा) र सर्वोत्कृष्ट तामाङ सेलो म्यूजिक भिडियो निर्देशक – सुलोचना थिङ, प्रचण्ड (राम्री है सारै) लाई अवार्ड प्रदान गरिएको छ।
नेपाली गीत समूह अन्तर्गत सर्वोत्कृष्ट गायक – आशुसेन लामा (गरी खान देऊ), सर्वोत्कृष्ट गायिका – शशिकला मोक्तान (नाचु नाचु लाग्यो) र सर्वोत्कृष्ट नेपाली म्यूजिक भिडियो – आशुसेन लामा (गरी खान देऊ) अवार्ड हात पार्न सफल भएका छन्।
अवार्ड कार्यक्रममा २०६७ वैशाख १ देखि २०७० चैत १५ सम्मका तामाङ फिल्म र गीत सङ्गीतलाई प्रतिष्पर्धा गराइएको थियो। कार्यक्रममा तामाङ समुदायका विशिष्ट व्यक्तित्व, व्यवसायी, कलाकार, सङ्घसंस्थाका प्रतिनिधि, सञ्चारकर्मी, चलचित्रकर्मी लगायतको उपस्थिति रहेको थियो।
तामाङ चलचित्र र गीत सङ्गीतको गुणात्मक विकासका लागि अवार्ड कार्यक्रम आयोजना गरिएको कार्यक्रम संयोजक तथा तामाङ चौतारी समूहका अध्यक्ष विनोद तामाङले बताए। समूहले २०६७ मा पहिलो अवार्ड कार्यक्रम आयोजना गरेको थियो।
