पथरी सुकुम्बासी समस्या पहल तथा संर्घष समिति मोरङको क्षेत्र नं. २ ले धनीर्पुजाको माग गदै गरेको एक दिने आमहड्ताल बन्द प्रसासनले जबरजस्ती बल प्रयोग गरी बन्दको प्रतिकार गरेको छ।
मंंगलबार बिहान ७ बजेदेखि गरेको बन्दको अवज्ञा गरेको भन्दै बन्दकर्ताले ४ वटा सवारी साधन जलाउनका साथै एक दर्जन सवारीमा तोडफोड गरेका छन्।
बन्द अवज्ञा गरेको भन्दै पथरीको ट्राफिक प्रहरी पोस्ट नजिकै पूर्वबाट विराटनगर तर्फ जादै गरेको मे १ ख ११५४ नम्बरको फुलडाला ट्रक जलेर नस्ट भएको छ।
यसै गरी ट्रक सँगै ग १ ख ४१०९ नम्बरको यात्रु बोकेको सयपत्री ट्राभल्सको बस पनि बन्दकर्ताले जलाएर पूर्णरुपले क्षति पुर्याएका छन् ।
पथरी खोलाको पुलमा पश्चिमबाट पूर्व आउदै गरेको मे १ ख ९२४ नम्बरको यात्रुबाहक मुनाल यातायातलाई पनि बन्दकर्ताले जलाएका छन्।
पथरी देखि ३ किलोमिटर दक्षिण लामाटोली चोकमा ३ सय ४० बोरा सिमेट बोकेको बा ४ ख ५४०२ नम्बरको फुलडाला ट्रक पनि पूर्णरुपले जलेर नष्ट भएको छ ।
बन्दकर्ताहरुले एक दर्जन भन्दा पनि बढी सवारी साधन तोडफोड गरेको छन्। तोडफोड भएका मे १ ख ९१७,ना ४ ख ७५६१ मादेन ट्राभल्स, को १ च ४२७९ मारुती भेन, को १ च ५३८२ मारुती भेन इलाका प्रहरी कायार्लयमा राखिएको छ ।
बन्द गर्ने क्रममा प्रहरी र बन्द कर्ताबीच झडप हुँदा ५० जना घाइते भएका छन् भने ६० जना पक्राउ परेका छन्। झडपमा ७ प्रहरी पनि घाइते भएका छन्।
प्रहरीले जबरजस्ती बल प्रयोग गरेर बन्दलाई तितरबितर पार्दै दिउँसो १ बजेबाट बजार तथा यातायात खुलाएको थियो।
प्रहरीले दुई राउण्ड अश्रु ग्याँस समेत प्रहार गरेका थिए । घाइतेहरुको पथरी र दमक हस्पिटलमा उपचार भइरहेको पहल तथा संर्घष समितिले जनाएको छ।
बन्दकर्ता र प्रहरीबीच झडप हुँदा पथरी वजार दिनभर तनावग्रस्त थियो।
शान्तिपूर्ण आन्दोलन भइरहेको बेला प्रहरीले हस्तक्षेप गरेपछि यति ठुलो क्षति भएको घाइते पहल तथा संघर्ष समितिका सदस्य पर्शुराम चोङ्बाङले जनाए।
मंगलबार सुकुम्बासी संघर्ष एवम् पहल समितिले मंगलबार एक विज्ञप्ती निकालेर शान्तिपूर्ण आन्दोलनमा पक्राउ परेकाको नि:शर्त रिहाई र घाइतेहरुको उपचारको नगरिए आन्दोलन अझ ससक्क्त बनाउाे विज्ञप्तीमा उल्लेख छ ।
इलाका प्रहरी कार्यालय उर्लाबारीका प्रहरी निरिक्षक बेदप्रसाद गौतमले अमानवीय ढंगले गुण्डागर्दी शैलीमा हस्तक्षेप गरी आन्दोलनकारी महिलामाथि हातपात एवम दुर्व्यवहार गरेकोले सम्पूर्ण क्षतिको जिम्मेवारी प्रशासनले लिनुपर्ने विज्ञप्तिमा उल्लेख छ।
पथरी, हसन्दह, शनिश्चरेसहित चार गाविसमा बसोबास गरिरहेका सुकुम्बासीहरुले बसोबास गरिरहेका जग्गाको धनीपूर्जा माग गर्दै प्रदर्शनमा उत्रिएका हुन्।
