संचार उद्यमी अरुण सिंंहानियाको हत्यामा सभासद् संजयकुमार साहकै सहयोगीको संलग्नता रहेको तथ्थ खुलेको छ। जनकपुर बम विस्फोटमा संलग्न रहेको अभियोगमा पक्राउ परेका सभासद् साहले संचार उद्यमी सिंंघानियाको हत्यामा समेत आफ्ना सहयोगीको संलग्नता रहेको बयान दिएपछि सो तथ्थय खुलेको आजको राजधाानीमा छापिएको छ।
मिथिला राज्यको माग गर्दै धर्ना बसेका बेला बम विस्फोट गराई पाँचजनाको हत्या गरेको र ३२ जनालाई घाइते बनाएको अभियोगमा पक्राउ परेका साहले धनुषा जिल्ला अदालतमा दिएको लिखित बयानमा सो कुरा उल्लेख गरेका छन्।
बयानका क्रममा सोधिएका प्रश्न र त्यसको जवाफ साहले आफैंले लेख्ने क्रममा सिंंघानियाको हत्यामा समेत आफ्ना सहयोगी रामविनोद यादवको संलग्नता रहेको तर आफू सो घटनामा संलग्न नभएको बताएका छन्।
जिल्ला प्रहरी कार्यालयमा साहले दिएको बयानमा रामानन्द चोकमा बम बिस्फोट गराउने योजना बनाएको स्वीकार गरेका छन्।
