अन्तत: संविधानसभाको १५औ बैठकमा पहिलो पटक संविधान निर्माणको प्रक्रियाले प्रबेश पाएको छ।
संविधानसभा अर्न्तगत संविधान अभिलेख अध्ययन तथा निर्क्यौल समितिले आफ्नो आंशिक प्रतिवेदन अध्यक्ष सुवासचन्द्र नेम्वाङसमक्ष पेश गरेपछि तय बस्न लागेको मंगलबारको संविधानसभा बैठकमा समितिका प्रतिवेदनहरुले प्रबेश पाउन लागेको हो।
आजको बैठकमा अभिलेख अध्ययन समितिका सभापति विष्णु पौडेलले तत्कालिन प्राकृतिक स्रोत, आर्थिक अधिकार र राजस्व बाँडफाँट समितिको प्रतिवेदन र राष्टिय हितको संरक्षण समितिको प्रतिवेदनको संविधानको प्रारम्भिक मस्यौदामा भएको सहमतिको निर्क्यौल सम्बन्धि प्रतिवेदन २०७१ पेश गर्ने छन्।
संविधानसभा सचिवालयले सार्वजनिक गरेको कार्यसूचि अनुसार सभापति पौडेलले त्यसका अलवा तत्कालिन राष्टिय हित संरक्षण समितिको प्रतिवेदनमा भएका असहमतिको निर्क्यौल सम्बन्धि प्रतिवेदन २०७१ पनि पेश गर्ने छन्।