टी-२० विश्वकपमा आयोजक भारत र अष्ट्रेलियालाई हराएर सनसनीपूर्ण सुरुवात गरेको न्युजिल्याण्डले आज पाकिस्तानसँग प्रतिस्पर्धा गर्दैछ।
पन्जाबको मोहालीमा नेपाली समयअनुसार बेलुकी ७:४५ सुरु हुने खेलमा न्युजिल्याण्ड तेस्रो जित हात पार्दै सेमिफाइनल यात्रा सुनिश्चित गर्ने प्रयासमा हुने छ। दुईमध्ये एकमा जित र एकमा हार व्यहोरेको पाकिस्तानका लागि भने सेमिफाइनल सम्भावना बचाइराख्न जित अनिवार्य छ।
लामो समय खराब प्रदर्शनबाट गुज्रिएको पाकिस्तानले पहिलो खेलमा बंगलादेशलाई हराउँदै 'कमब्याक'को संकेत गरेको थियो। भारतविरुद्धको खेलमा भने पाकिस्तान जम्न सकेन।
सबैले दुईदुई खेल खेलेको यो समूहमा न्युजील्याण्ड चार अंकसहित शीर्ष स्थानमा छ। २ अंक जोडेका पाकिस्तान, अष्ट्रेलिया र भारत र दोस्रो, तेस्रो र चौथो स्थानमा छन्।
बंगलादेश भने जितविहिन छ।
समूह बिजेता र उपबिजेता सेमिफाइन पुग्नेछन्।
