राष्ट्रिय पुनर्निर्माण प्राधिकरणले दोलखाको चरिकोटमा उपक्षेत्रीय कार्यालय स्थापना गरेको छ। उपक्षेत्रीय कार्यालयमा प्राधिकरणका सिनियर डिभिजन इन्जिनियर हरि शर्मा कार्यालय प्रमुख रहेको प्राधिकरणले जनाएको छ।
प्राधिकरणले स्थापना गरेको यो पहिलो उपक्षेत्रीय कार्यालय हो। यसले दोलखा, रामेछाप र ओखलढुंगा जिल्लामा पुनर्निर्माण, पुनर्थापना तथा जीविकोपार्जनका विभिन्न क्रियाकलापको सञ्चालन गर्न समन्वय गर्नेछ।
भूकम्प प्रभावित क्षेत्रमा पुनर्निर्माणका काम अघि बढाउन सातवटा उपक्षेत्रीय कार्यालय खोल्ने प्राधिकरणको योजना छ।
