एकीकृत नेकपा माओवादीका अध्यक्ष पुष्पकमल दाहाललाई शुक्रबार वीरगञ्जमा मधेसी माेर्चाका कार्यकर्ताले कालो झण्डा देखाएका छन्।
दोस्रो वीरगञ्ज महोत्सव तथा ब्यापार मेला उद्घाटन गर्न दाहाल वीरगञ्ज पुग्दा मधेसी मोर्चाका नेता कार्यकर्ताले उनको स्वागतमा बनाएका गेट तोडफोड गरेको पर्साका प्रमुख जिल्ला अधिकारी केशवराज घिमिरेले सेतोपाटीलाई बताए। ‘तोडफोडमा संलग्न ३ महिलासहित १७ जनालाई प्रहरीले पक्राउ गरेको छ’ घिमिरेले भने ‘अहिले उहाँ (दाहाल) कार्यक्रमस्थलमा जानुभएको छ।’
