गृहमन्त्री शक्तिबहादुर बस्नेतले संविधान कार्यान्वयनका लागि कांग्रेससहितको राष्ट्रिय सरकार आवश्यक रहेको वताएका छन्।
दाङको घोराहीमा शनिवार विहान आयोजित कार्यक्रमलाई सम्बोधन गर्दै गहृमन्त्री बस्नेतले कांग्रेस सरकारमा सहभागी भएमात्रै संविधान कार्यान्वयमा सहजता हुने बताएका हुन्।
उनले भने,‘संसदको सवैभन्दा ठूलो दल कांग्रेसले संविधान निर्माणमा महत्वपूर्ण भूमिका निर्वाह गरेको हो, संविधान कार्यान्वयनमा पनि उसले भूमिका आवश्यक पर्छ। त्यसैले त्यसका लागि कांग्रेससहिको राष्ट्रिय सरकार आवश्यक पर्छ।’
एकीकृत माओवादीका स्थायी समिति सदस्य समेत रहेका बस्नेतले एमाओवादी सरकारवाट बाहिरिने भन्ने कुरामा कुनै सत्यता नरहेको स्पष्ट पारे। ‘एमाओवादी सरकारवाट बाहिरीने र कांग्रेस सरकारमा जाने भन्ने कुरामा कुनै आधार छैन। यि फगत गफ मात्रै हुन्।’
गृहमन्त्री बस्नेतले आफ्नो पार्टी संविधान कार्यान्वयन गर्न लागि परेको समेत बताए।
