रोल्पाका विभिन्न स्थानबाट मजदुरी गर्न भक्तपुरको इँटाभट्टामा पुगेका बालबालिकालाई अविभावकको जिम्मा लगाइएको छ। जिल्ला बाल कल्याण समिति रोल्पासँगको समन्वयमा सेभ द चिल्ड्रेन, हुरेक रोल्पा र बाल विकास केन्द्रले उनीहरूको उद्धार गरी परिवारको जिम्मा लगाएका हुन्।
भक्तपुरको इँटाभट्टामा काम गर्न गएका जौलिपोखरीका १४ वर्षिय गोवर्धन विक, १२ वर्षिय नविन विक र मसिना ४ की १४ वर्षिय भूमिका घर्तीलाई आफन्तको जिम्मा लगाइएको हो ।
यी बालबालिकाको पारिवारिकलाई आयआर्जनका आगि आवश्यक सहयोग गरिने सेभ द चिल्ड्रेन जनाएको छ।
'बालबालिकाको पढाईमा पनि ध्यान दिने छौं। त्यसका लागि के गर्नुपर्छ, हाम्रो भूमिका निर्वाह गर्ने छौ,' सेभ द चिल्ड्रेका हेन्द्र बडुवालले बताए।
दलालहरुको प्रलोभनमा परी गरिबीमा पिल्सिएका बालबालिका वर्षेनी ठूलो संख्यामा इँटा भट्टामा जाने गरेका छन्।
