६ दिने चीन भ्रमण सकेर प्रधानसेनापति राजेन्द्र क्षेत्री स्वदेश फर्किएका छन्।
चिनियाँ जनमुक्ति सेनाका प्रधानसेनापति फाङ फेनघुईको औपचारिक निमन्त्रणामा चीनको औपचारिक भ्रमणमा गएका प्रधानसेनापति क्षेत्री शनिवार विहान स्वदेश फकिएका हुन्।
चीन भ्रमणका क्रममा प्रधानसेनापति क्षेत्रीले आफ्ना समकक्षी फाङका साथै चिनियाँ उच्च सुरक्षा अधिकारीसँग भेटवार्ता गरेका थिए।
शनिवार स्वदेश फर्किएका उनलाई विमानस्थलमा बलाधीकृत रथी बलदेवराज महतले स्वागत गरेका थिए। विमानस्थलमा नेपाली सेनाको एक टुकडीले सम्मान गारत अर्पण गरेको थियोे।
प्रधानसेनापति क्षेत्री गत चैत १४ गते चीन प्रस्थान गरेका थिए।
