गत साउन २०७२ देखि चैत मसान्तसम्ममा सुदूरपश्चिममा भएका १ सय २ सवारी दुर्घटनामा ८४ जनाले ज्यान गुमाएका छन्।
क्षेत्रिय ट्राफिक प्रहरी कार्यालय अत्तरियाले दिएको जानकारी अनुसार गएको नौ महिनामा सुदूरपश्चिमका विभिन्न जिल्लाहरुमा भएको दुर्घटनामा १ सय २ जनाले ज्यान गुमाएका छन् भने ८० गम्भीर घाईते भएका छन्। त्यस्तै ६५ जना सामान्य घाईते भएका छन्।
कात्तिक महिनामा सबैभन्दा बढी १८ जनाको मृत्यु भएको तथ्याङ्कले देखाएको छ। सुदूरपश्चिमको कैलालीमा सबैभन्दा बढी दुर्घटना भएको छ भने बझाङ्ग, वाजुरा र दार्चुलामा कम दुर्घटना भएका छन्। सबैभन्दा बढी मृत्यु मोटरसाईकल दुर्घटनाका कारण भएको ट्राफिक प्रहरी कार्यालयले जानकारी दिएको छ।
त्यस्तै क्षेत्रिय ट्राफिक प्रहरी कार्यालय अत्तरियाले सोही अवधिमा ४५ हजार ६ सय ५१ सवारीसाधन कारवाही गरेर १ करोड ४२ लाख २४ हजार १ सय ५० रुपैया राजस्व असुल गरेको जनाएको छ।
दुर्घटना भएको महिना, दुर्घटना संख्या र मृत्युको विवरण
महिना | सवारी दुर्घटना | मृत्यु |
१ श्रावण | १० | ७ |
२ भदौ | १० | ६ |
३ असोज | १२ | ६ |
४ कार्तिक | १५ | १८ |
५ मंसिर | १० | ८ |
६ पौष | १३ | ६ |
७ माघ | १० | ६ |
८ फागुन | ९ | १० |
९ चैत्र | १३ | १७ |