स्पेनिस क्लब रियल मड्रिडले च्याम्पियन्स लिग फुटबलको सेमिफाइनलमा इंग्लिस क्लब म्यानचेस्टर सिटीलाई प्रतिद्वन्द्वी पाएको छ।
शुक्रवार सार्वजनिक गरिएको च्याम्पियन्स लिग फुटबलको सेमिफाइनलको ड्र मा रियल मड्रिडले इंग्लिस क्लब म्यान सिटीलाई प्रतिद्वन्द्वी पाएको हो। सिटीले पहिलो पटक च्याम्पियन्स लिग फुटबलको सेमिफाइनलमा स्थान बनाएको हो भने रियल १० पटकको विजेता टोली हो।
यस्तै जर्मन क्लब बार्यन म्युनिखले स्पेनिस क्लब एथ्लेटिको मड्रिडलाई प्रतिद्वन्द्वी पाएको छ। च्याम्पियन्स लिग फुटबलको सेमिफाइनको पहिलो लेग रियल मड्रिडले अप्रिल २६ मा म्यान्चेस्टर सिटीको घरेलु मैदानमा खेल्नेछ। दोस्रो लेग भने मे ३ मा रियल मड्रिडको घरेलु मैदान सान्टियागो बर्नबाउमा हुनेछ।
यस्तै एथ्लेटिको मड्रिडले २७ अप्रिलमा आफ्नै घरेलु मैदानमा बार्यन म्युनिखको सामना गर्ने छ भने दोस्रो लेग ४ मेमा बार्यन म्युनिखको घरेलु मैदानमा खेल्नेछ।
