सुरू भयो मच्छिन्द्रनाथको जात्रा

नारायण महर्जन

वर्षा र सहकालका देवता मच्छिन्द्रनाथको शनिबार रथारोहण गरी जात्राको शुभारम्भ गरिएको छ। उपत्यकाकै सबैभन्दा लामो समयसम्म मनाइने रथजात्राको रूपमा लिइएको यो जात्रा ललितपुरको पुल्चोकबाट मंगलबार सुरू भई गावाहाल मंगलबजार सुन्धारा हुँदै लगनखेल पुर्‍याइन्छ।

रथारोहण अगाडि ललितपुरको कटवाल दहमा पूजा आराधनापछि कलश पुल्चोक ल्याइएको थियो। रथारोहणअघि वाराही समुदायले रथ निर्माण गर्ने गरेका हुन्।

थहिटीमा पुर्‍याएर साइत हेरेर नरिवल खसालेपछि रथलाई जावलाखेल ल्याइन्छ। राष्ट्रप्रमुखसहित विशिष्ट व्यक्तिहरूको उपस्थितिमा साइत हेरेर भोटो देखाएपछि रथयात्रा समाप्त हुने चलन छ।

मल्लकालीन राजा नरेन्द्र देवको पालामा उपत्यकामा खडेरी परेपछि पानी पार्न मच्छिन्द्रनाथको रथयात्रा सुरु भएको जनविश्वास छ। हेर्नुहोस् तस्बिरमा।

प्रकाशित मिति: 2016-05-08 10:51:59

प्रतिक्रिया दिनुहोस्