आगामी आर्थिक वर्षको वार्षिक बजेट संसदमा पेश गर्नु अगाडि नै त्यसको तथ्यांक पत्रपत्रिकामा चुहाएको विषयमा छानविन गर्न संसदीय छानविन समिति गठन भएको छ।
प्रमुख प्रतिपक्षी दल नेपाली कांग्रेसले उक्त घटनाको छानविनका लागि समिति गठन नभएसम्म सदन चल्न नदिने अडान लिएपछि सत्तापक्ष र प्रतिपक्ष दलबीच समिति गठन गर्न सहमत भएका हुन्।
मंगलबार अपराह्न १ बजे बसेको संसद बैठकमा सभामुख ओनसरी घर्तीमगरले दलहरुको सहमति अनुसार संसदको नियमावली २०७० को ११६ को उपनियम २ बमोजिम बजेटको सूचना चुहावटबारे छानविन समिति गठनको प्रस्ताव राख्न समय दिइन्।
ढकालले प्रमुख प्रतिपक्षी दल कांग्रेसका सांसद रमेश लेखकको संयोजकत्वमा नौ सदस्यीय विशेष समिति गठन गरिने छ। समितिका अन्य सदस्यहरुको नाम दलहरुले पछि सिफारिस गर्नेछन्।
दलहरूबीच भएको सहमति अनुसार, छानविन समितिको कार्यवधि तीन महिना पन्ध्र दिनको रहेको छ।
सरकारका अर्थमन्त्री विष्णु पौडेलले शनिबार बजेट पेश गर्नु पूर्व नै बजेट सम्बन्धी सूचना बाहिर गएको भन्दै कांग्रेसले सोमबारको संसद बैठक अबरोध गरेको थियो। संसदमा बजेटमाथिको सैद्धान्तिक छलफल रोकिएपछि सरकारले विशेष समिति गठनगरी सदनको कारबाही सुचारु भएको छ।