नेपाली काँग्रेसका सभापति शेरबहादुर देउवाले देशलाई चिनाउन खेलाडीको महत्वपूर्ण भूमिका हुने बताएका छन्।
नेपाल कराँते महासङ्घ जिल्ला शाखाद्वारा राजधानीमा यहाँ आयोजित खेलाडीलाई सम्मान कार्यक्रममा उनल सरकारले प्रस्तुत गरेको बजेटमा खेलकुद क्षेत्रमा न्यून विनियोजन भएको आरोप लगाए।
खेलाडी दीपक विष्टले खेलकुद क्षेत्रको विकासले देशको विकास हुन सक्ने विश्वास व्यक्त गरे। सो अवसरमा राष्ट्रिय तथा अन्तर्राष्ट्रिय प्रशिक्षकलाई सम्मान गरिएको थियो । सम्मानित हुनेमा महेश जोशी, पुरेन्द्रविक्रम लाखे, गोपाल महर्जन, निवासगोपाल वैद्य, हिरासिंह डङ्गोल, मनोज न्याछ्यों, मीनकृष्ण महर्जन, नारायणदेव राणा, दिलेन्द्रगोविन्द वैद्य र ओमनारायण श्रेष्ठ छन्।
खेलाडी दीपक श्रेष्ठलाई पन्ध्र हजारसहित सम्मान गरिएको थियो । यसैगरी प्रीति डङ्गोल, रवि महर्जन, गङ्गाराम महर्जन, नीता राई, विनोद शाक्य, विनोद महर्जन र अमृता शाक्यलाई रु दश हजारसहित सम्मान गरिएको अध्यक्ष सानुलाल श्रेष्ठले बताए। रासस
