अत्याधुनिक पेस्तोल र त्यसमा प्रयोग हुने गोलीसहित नेपाली सेनाका एकजना पूर्व जवान पक्राउ परेका छन्।
विशेष सूचनाका आधारमा खटिएको प्रहरीको टोलीले नेपाली सेनाका पूर्व जवान गोरखाका ३० वर्षीय रणबहादुर ढकाललाई बालाजुको नयाँ पुलबाट पेस्तोलसहित पक्राउ गरेको डीएसपी सोमेन्द्र सिंह राठौरले जानकारी दिए।
लुटपाटमा संलग्न हुने गरेको सूचना आएपछि प्रहरीको टोलीले ढकालमाथि निगरानी बढाउँदै आएको र मंगलबार बिहान पक्राउ गर्न सफल भएको राठौरले बताए। ढकालका साथबाट प्रहरीले ७ दशमलब ६५ एमएम पेस्तोलसहित त्यसमा प्रयोग हुने पाँचवटा गोली बरामद गरेको प्रहरीले जनाएको छ।