दाङमा एकजना महिलाले आत्महत्या गर्नुअघि आफ्नै छोराको पनि हत्या गर्न खोजेको आशंका व्यक्त गरिएको छ।
आफ्नो डेढ वर्षको छोरालाई झ्याबाट फालेर आमाले आत्महत्या गरेको अनुमान भइरहेको ईलाका प्रहरी कार्यालय तुलसीपुरका प्रमुख एवं डिएसपी कृष्ण प्रसाँईले जानकारी दिए।
मानपुर ९ विजौरी निवासी २५ वर्षीया सीता चाचार्य शनिबार बेलुका झुण्डिएर आत्महत्या गरेको अवस्थामा आफ्नै घरमा फेला परेकी ईप्रका तुलसीपुरका प्रवक्ता एवं प्रहरी निरिक्षक सन्तोष रोकाले जानकारी दिए। आचार्यका डेढ वर्षीय छोराको हाल राप्ती उपक्षेत्रीय अस्पताल घोराहीमा उपचार भइरहेको छ।
प्रहरीले मृतक सीता मानसिक रोगी भएको जानकारी दिएको छ । आत्महत्या गरेकी सीताका श्रीमान राष्ट्रिय अनुसन्धान आयोगमा जागिरे रहेको पनि प्रहरीले जानकारी दिएको छ।