भारत र चीनको सुरक्षा चासो हेर्दै आएको हिन्दु जनजागृति समिति (एचजेएस) ले भारतीय प्रधानमन्त्री नरेन्द्र मोदीले नेपालको धर्मनिरपेक्ष संविधानमा हस्तक्षप गरेर भए पनि नेपाललाई हिन्दु राष्ट्र घोषणा गर्नुपर्ने माग गरेको छ।
भारतमा शनिबार सम्पन्न पाचौं अखिल भारत हिन्दु जागरणमा बोल्दै एचजेएसका प्रवक्ता रमेश सिन्देले वर्तमान समयमा नेपाल सरकार र भारत सरकारको पहिलेको जस्तो आत्मीय सम्बन्ध नभएकाले नेपालको संविधानमा प्रधानमन्त्री मोदीले हस्तक्षेप गरेर भए पनि नेपाललाई हिन्दु राष्ट्र घोषणा गर्न दबाब दिनुपर्ने बताएको आजको इण्डियन एक्प्रेसमा समाचार प्रकाशित भएको छ।
उनले नेपाल सरकारले भारतसँग भन्दा पनि उत्तरी छिमेकी मुलुक चीनसँग सम्बन्ध विस्तार गरेको र त्यसको फाइदा चीनले उठाउँदै नेपालमा आफ्नो प्रभाव देखाउन थालिसकेकाले भारतको सुरक्षामा खतरा रहेको भन्दै मोदीले हस्तक्षेप गरेर नेपाललाई हिन्दु राष्ट्र घोषणा गर्नुपर्ने माग गरेका हुन्।
धर्मनिरपेक्षताका आधारमा गरिएको आरक्षण कोटाको व्यवस्थाले हिन्दुमाथिको अन्याय गरेको उनले बताए ।
