राष्ट्रपति विद्यादेवी भण्डारीले सोमबार सहमतीय सरकार गठनका लागि दलहरूलाई आह्वान गर्ने भएकी छन्। तीन दलका प्रमुखसँग शितल निवासमा छलफल गरेपछि राष्ट्रपति भण्डारीले आजै सहमतीय सरकारका लागि नेपालको संविधानको धारा २९८ अनुसार आह्वान गर्न लागेकी हुन्।
‘सहमतीय सरकार गठनको आह्वान गर्न लागि अहिले तयारी हुँदैछ, केही बेरमा औपचारिक विज्ञप्ति जारी हुनेछ’, राष्ट्रपतिका स्वकीय सचिव भेषराज अधिकारीले सेतोपाटीसँग भने।
यसअघि सोमबार राष्ट्रपति भण्डारीले नेपाली कांग्रेसका सभापति शेरबहादुर देउवा, नेकपा एमालेको अध्यक्ष केपी शर्मा ओली र नेकपा माओवादी केन्द्रका अध्यक्ष पुष्पकमल दाहाललाई शितल निवासमा बोलाएर संयुक्त छलफल गरेकी थिइन्।
