प्रमुख तीन दलका नेताहरुले राष्ट्रपति विद्यादेवी भण्डारीलाई नयाँ प्रधानमन्त्रीका लागि प्रक्रिया अगाडि बढाउन सुझाव दिएका छन्।
शितल निवासमा सोमबार अपरान्ह राष्ट्रपतिसँग भएको छलफलमा कांग्रेस सभापति शेरबहादुर देउवा, एमाले अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहालले भण्डारीलाई नयाँ सरकार गठनको प्रक्रिया अघि बढाउन सुझाएको शितल निवास स्रोतले बतायो।
भेटका क्रममा राष्ट्रपतिले नेताहरूलाई पार्टीहरूको बीचमा सहज वातावरण निर्माण गरी सहमतिअनुरूप जानको निम्ति आग्रह गरेकी थिइन्। उनले सरकार निर्माणको प्रक्रियालाई सहज वातावरण निर्माण गरी अगाडि बढाउने बताइन्। उक्त भेटमा दाहाल र देउवाले सबै दललाई मिलाएर समझदारीअनुरुप जानुपर्ने र राष्ट्रिय हितका मुद्दाहरू र संविधान कार्यान्वयनमा अाफूहरू दृढ रहेको बताए। प्रधानमन्त्री केपी शर्मा ओलीले राष्ट्रिय मुद्दाहरूमा आफ्नो र एमालेको सहयोग हुने बताए।
नेताहरूको सुझावअनुसार राष्ट्रपति भण्डारीले अाजै सहमतीय सरकारका लागि अाह्वान गर्न लागेकी छन्।
