गैरकानुनी सम्पत्ति जोडेको भन्दै अख्तियारले लगाएको माओवादी केन्द्रका सांसद ल्हारक्याल लामासंग विषेश अदालतले १ करोड धरौटी माग गरेको छ। नौ करोड २४ लाख बराबरको अकुत सम्पत्ति जोडेको भन्दै अख्तियारले केही महिना अघि उनी विरुद्ध मुद्दा दायर गरेको थियो। विषेशका न्यायाधीश मोहनरमण भट्टराई, भूपेद्रप्रसाद राई र प्रभा बस्नेतको इजलासले लामासंग एकरोड धरौटी माग गरेको हो।
सिद्धार्थ बैँकबाट एक करोडको बैंक ग्यारेण्टी पेश गरेको र प्रक्रिया पुगेपछि आजै उनी तारेखमा छुट्ने विषेशका प्रवक्ता जगन्नाथ पौडेलले सेतोपाटीलाई जानकारी दिए।
सार्वजनिक पदमा रहँदा लामाको २९ करोड ७९ लाख सम्पत्ति रहेको र त्यसमध्ये २० करोडको मात्रै स्रोत खुलेको अख्तियारको दावि थियो।
