ब्राजिल रियो ओलम्पिक पुरुष फुटबलको क्वाटरफाइनल प्रवेश गरेको छ।
बिहीवार विहान भएको खेलमा डेनमार्कमाथि ४–० गोल अन्तरको जित हात पार्दै आयोजक राष्ट्र ब्राजिल प्रतियोगिताको क्वाटरफाइनल प्रवेश गरेको हो।
ब्राजिल जितसँगै समूह ‘ए’ को विजेता बनेको छ। लगाता दुई खेलमा बराबरीको नजिता निकालेको ब्राजिलले समूह चरणको अन्तिम खेलमा डेनमार्कमाथि शानदार जित निकाल्न सक्यो।
तर, ब्राजिलका स्टार खेलाडी भने तेस्रो खेलमा पनि गोल गर्न चुके। ब्राजिललाई क्वाटरफाइनल पुर्याउन गेब्रिएल बारबोसाले दुई गोल गरे भने लुआन र गेब्रिएल जिससले समान एक–एक गोल गरेका थिए।
ब्राजिलसँग नमिठो हार ब्यहोरे पनि डेनमार्क समूह उपविजेता बन्दै क्वाटर फाइनल भने पुगेको छ।
समूह ‘ए’ को समूह चरणको खेलमा ब्राजिल दक्षिण अफ्रिका र इराकसँग गोलरहित बराबरीमा रोकिएको थियो।