काठमाडौंबाट रामेछापको लगनपुर जाँदै गरेको बस काभ्रेको देउराली ७ मा दुर्घटना हुदाँ २५ जनाको मृत्यु भएको छ । काभ्रेका एसपी राजेशनाथ वास्तोलाले २५ जना यात्रुको मृत्यु भएको जानकारी दिए। उनका अनुसार ३५ जना यात्रु घाइते भएका छन् ।
घटनास्थलमा अहिले उद्धार भइरहेको छ भने काभ्रे सदरमुकाम बनेपाबाट प्रहरी टोली घटनास्थल तर्फ गएको छ। काभ्रेका एसपी बाँस्तोलासहित प्रमुख जिल्ला अधिकारी बालकृष्ण पन्थी घटनास्थलमा पुगेका छन् । घाइतेहरुलाई उपचारका लागि धुलिखेल र काठमाडौं ल्याइँदैछ ।
