प्रधानमन्त्री पुष्पकमल दाहालले सोमबार काभ्रेको बिर्ता देउरालीमा भएको बस दुर्घटनामा परेकाको उद्धार गर्न निर्देशन दिएका छन्। दाहालले सामाजिक सञ्जालमा घटना दुखद भएको भन्दै नेपाल सरकारका सम्पूर्ण संयन्त्र र पार्टी नेता, कार्यकर्तालाई उद्दारमा खटिन निर्देशन गरिएको बताएका छन्।
बनेपाबाट काभ्रेको कात्तिके देउराली जाँदै गरेको बा३ ख १०६ नम्बरको बस काभ्रेको देउरालीमा दुर्घटना हुँदा कम्तीमा ३० जनाको मृत्यु भएको छ। काभ्रेका सहायक प्रमुख जिल्ला अधिकारी भीमकान्त शर्माका अनुसार दुर्घटनामा झन्डै ३० जना घाइते छन्।